Хубэй

Хубэ́й — правінцыя на паўднёвым захадзе Кітая, у сярэднім цячэнні ракі Янцзы.

Хубэй
кіт.: 湖北省
Краіна	Кітай
Уваходзіць у	Кітай (1949—?)
Адміністрацыйны цэнтр	Ухань
Кіраўнік	Wang Zhonglin[d]
Насельніцтва	57 752 557 чал. (2020)
Плошча	185 900 ± 1 км²
Часавы пояс	UTC+8
Код ISO 3166-2	CN-HB
Афіцыйны сайт
Медыяфайлы на Вікісховішчы

Плошча 187,4 тыс. км². Насельніцтва 59,75 млн чал. (2001). Адміністрацыйны цэнтр — горад Ухань.

Геаграфія

Правінцыя размешчана ў межах Цзянханьскай раўніны, на ўсходзе — адгор’і хрыбта Дабашань (вышыня да 3052 м). Галоўная рака — Янцзы. Шмат азёр. Клімат субтрапічны, мусонны.

Эканоміка

Аснова эканомікі — сельская гаспадарка. Арашаецца каля 50 % пасяўной плошчы. Галоўная культура — рыс. Вырошчваюць пшаніцу, ячмень, кукурузу, бавоўнік, рамі, кунжут, арахіс, рапс, чай, тытунь. Пладаводства (цытрусавыя, яблыкі, грушы).

Гадуюць буйную рагатую жывёлу (выкарыстоўваецца пераважна як цяглавая сіла), свіней, птушак. Рыбаводства.

Нарыхтоўка пладоў тунгавага дрэва, драўніны. Вядзецца здабыча жалезнай руды і руд каляровых металаў.

Прамысловасць: чорная і каляровая металургія, машынабудаванне (цяжкае, энергетычнае, радыётэхнічнае і інш.), хімічная, тэкстыльная, харчовая, вытворчасць будаўнічых матэрыялаў. Асноўныя прамысловыя цэнтры: Ухань, Хуаншы, Сянфань, Ічан.

Суднаходства па рацэ Янцзы і яе прытоках.

Літаратура

• Хубэй // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — С. 73. — 10 000 экз. — ISBN 985-11-0035-8. — ISBN 985-11-0279-2 (т. 17).

Спасылкі

• На Вікісховішчы ёсць медыяфайлы па тэме Хубэй