Пенлоп (дзонг-кэ དཔོན་སློབ་, Вайлі dpon slob, лац. Penlop) — тытул удзельнага кіраўніка Бутана, адпавядае князю ці губернатару. Да аб’яднання дзяржавы пры першым каралі дынастыі Вангчукаў Уг'ен Вангчук пенлопы кантралявалі асобныя часткі краіны. Сам Уг’ен Вангчук насіў тытул Тонгса-пенлопа (кіраўнік вобласці Тонгса), другім па значэнні быў Пара-пенлоп. Пара-пенлопы сталі займаць высокія пасады ва ўрадзе, нярэдка ў рангу прэм'ер-міністраў.