Радольфа «Рудзі» Фернандэс Фарэс (ісп.: Rodolfo "Rudy" Fernández Farrés; нар. 4 красавіка 1985, Пальма-дэ-Мальёрка) — іспанскі прафесійны баскетбаліст, які выступае за каманду «Рэал Мадрыд». Быў абраны пад 24-м нумарам на драфце НБА 2007 года камандай «Фінікс Санз». Удзельнічаў у матчы пачаткоўцаў ў 2009 годзе і ў конкурсе па кідках зверху (заняў 4 месца). Па выніках свайго дэбютнага сезона ў НБА быў уключаны ў другую зборную пачаткоўцаў. Фернандэс — гулец нацыянальнай зборнай Іспаніі, у яе складзе з’яўляецца чэмпіёнам свету 2006 і 2019 гадоў, чэмпіёнам Еўропы 2009 года, срэбным прызёрам чэмпіянату Еўропы 2007 года, Алімпійскіх гульняў 2008 і 2012 года, бронзавы прызёр летніх Алімпійскіх Гульняў 2016.
У Вікіпедыі ёсць артыкулы пра іншых асоб з прозвішчам
Фернандэс.