Сацума (правінцыя)
Сацума (яп.: 薩摩国 сацума коку) — гістарычная правінцыя ў Японіі.
Правінцыя Сацума размяшчалася на тэрыторыі цяперашняй прэфектуры Кагосіма, на поўдні вострава Кюсю.
Гісторыя правіць
Правінцыя Сацума была ўтворана ў VIII стагоддзі ў выніку падзелу створанай стагоддзем раней правінцыі Хюга. У раннім Сярэднявеччы Сацума была населена народам хаята, які кіраўнікі Ямата выкарыстоўвалі для барацьбы з айну-эмісі, якія жылі на поўначы Японскага архіпелага. Паралельна ішло і засяленне Кюсю японцамі. На працягу VIII—IX стагоддзяў плямёны хаята былі заваяваны.
З 1185 па 1871 год правінцыяй кіруе арыстакратычны род Сімадзу. У 1549 годзе ў правінцыі Сацума высадзілася першае хрысціянскае місіянерскае пасольства, якое ўзначальваў Святы Францыск Ксаверый. У 1602 годзе, пасля бітвы пры Секігахары (1600), першы даймё з роду Сімадзу, Сімадзу Тадацунэ, узначальвае княства Сацума, у якое, акрамя ўласна правінцыі, увайшлі таксама прылеглыя раёны, а з 1609 года — і каралеўства Рукю.
У 1866 годзе Сацума быў адным з трох паўднёвых княстваў, якія прынялі найбольш актыўны ўдзел у звяржэнні сёгунату. У 1871 годзе правінцыя была ўключана ў створаную прэфектуру Кагосіма.
Правінцыя Сацума дала сваё імя сорту мандарынавых, Сацума (Citrus satsuma aurantium), з прычыны таго, што менавіта адсюль у ЗША ў сярэдзіне XIX стагоддзя былі завезены мандарынавыя дрэвы.