Свята-Іаана-Прадцечанская царква (Слуцк)

Свята-Іаана-Прадцечанская царква ці Іаанаўская царква — колішні драўляны праваслаўны храм у горадзе Слуцку Мінскай вобласці.

Славутасць
Свята-Іаана-Прадцечанская царква
Краіна	Беларусь
Горад	Слуцк
Канфесія	Праваслаўе
Епархія	Слуцкая
Стан	страчана

Гісторыя

Першая вядомая Іаана-Прадцечанская царква ў Слуцку ўпамінаецца ў 1439 годзе.

У 1581 годзе назва царквы сустракаецца ў грамаце слуцкай княгіні Кацярыны Тэнчынскай. Знаходзілася царква на паўднёвай ускраіне горада, па левы бок ад галоўнай вуліцы Новага места, у пазнейшыя часы вядомай як Навамейская (цяпер імя Максіма Багдановіча).

У 1793 годзе царква адзначалася як «будынкам драўляная, старая». На працягу канца XVIII — першых дзесяцігоддзяў XIX стагоддзя яе прыход змяншаўся. Да 1840-х гадоў яна ўжо была пустая і пакінутая. У 1842 годзе царкву разабралі з-за старасці, хаця афіцыйнае скасаванне адбылося толькі ў 1853 годзе і яе прыход быў прыпісаны да Юр’еўскай царквы.

Літаратура

• Скеп’ян АА. Князі Слуцкія. Мн., 2013, с. 17.
• Собрание древних грамот и актов городов Минской губернии, № 29. Мн., 1848.
• Дело с ведомостями о состоянии церквей… НГА РБ ф. 136, воп. 1, спр. 344, с. 8.
• B.J.K. Wspomnienia о Siucku. Gniezno. 1905. с. 40.
• Описание церквей и приходов Минской епархии. Т. № 3. Мн., 1879.
• Товаров А. Историко-статистическая справочная книжка Минской епархии. Мн., 1903, с. 156