Свята-Мікалаеўская царква (Рубяжэвічы)

Свята-Мікалаеўская царква — мураваны праваслаўны храм у аграгарадку Рубяжэвічы Стаўбцоўскага раёна Мінскай вобласці. Знаходзіцца ў цэнтры вёскі.

Славутасць
Свята-Мікалаеўская царква
53°41′24″ пн. ш. 26°51′40″ у. д.
Краіна	Беларусь
Аграгарадок	Рубяжэвічы
Канфесія	БПЦ
Епархія	Маладзечанская епархія
Будаўніцтва	2000

Гісторыя

Былы касцёл, які з 1863 года стаў царквой.

У 1863 годзе праваслаўным вернікам быў перададзены драўляны будынак пабудаванай у 1799 годзе каталіцкай царквы. У савецкі час царква была закрыта, а будынак быў разабраны ў 1972 годзе. У 2000 годзе на месцы старой драўлянай царквы быў пабудаваны новы храм.

Архітэктура

Пабудавана з сілікатнай цэглы. Вырашана прамавугольным у плане аб’ёмам пад 2-схільным дахам з вальмай над алтарнай часткай. Над фасадам надбудавана 8-гранная драўляная званіца з цыбулепадобным купалам. Бакавыя фасады расчлянёны прамавугольнымі і арачнымі аконнымі фасадамі.

Літаратура

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• Свята-Мікалаеўская царква (Рубяжэвічы) на сайце Глобус Беларусі (руск.)