Слонімскі раённы краязнаўчы музей імя Іосіфа Іосіфавіча Стаброўскага

Слонімскі раённы краязнаўчы музей імя Іосіфа Іосіфавіча Стаброўскага
Слонімскі раённы краязнаўчы музей імя Іосіфа Іосіфавіча Стаброўскага
Заснаваны	1929
Месцазнаходжанне	Слонім;
	slmuz.by

Слонімскі раённы краязнаўчы музей імя Іосіфа Іосіфавіча Стаброўскага — музей у горадзе Слонім (Гродзенская вобласць, Беларусь).

Упершыню музей адкрыў свае дзверы для наведвальнікаў 20 верасня 1929 года. Яго экспазіцыя і фонды ўключалі ў сябе 5 тысяч экспанатаў. У 1957 годзе музей атрымаў двухпавярховы будынак на плошчы Леніна дом № 1, дзе знаходзіцца і сёння. За час свайго пасляваеннага існавання тры разы перабудоўвалася экспазіцыя музея. Цяперашняя плошча складае больш за 400 м². У трох экспазіцыйных залах размешчаны аддзел прыроды, у шасці — аддзелы гісторыі ад старажытных часоў да сучаснасці. Установа мае 2 выставачных залы: у будынку музея (36 м²) і ў вёсцы Жыровічы (270 м²). Штогод музей наведваюць больш за 30 000 чалавек.

Фонд правіць

Агульны музейны фонд уключае ў сябе больш за 23000 экспанатаў, сярод якіх ёсць вельмі рэдкія і ўнікальныя. Да рэдкіх і найбольш цікавых экспанатаў адносяцца: слонімскі ідал, калекцыя манет XVI—XIX стагоддзяў, у тым ліку скарб манет Вялікага Княства Літоўскага XVI—XVIII стагоддзяў, Статут Вялікага княства Літоўскага 1588 года (выданне 1647 года ў перакладзе на польскую мову), бронзавы бюст Напалеона, выкананы ў Парыжы ў 1885 годзе, каляровы план Слоніма 1825 года, планы асобных маёнткаў XVIII—XIX стагоддзяў, калекцыя дакументаў і старажытных рукапісаў XVI—XIX сттагоддзяў.

Спасылкі правіць

Сайт Слонімскага раённага краязнаўчага музея Архівавана 11 чэрвеня 2013.
Музейныя вандроўкі. Слонімскі раённы краязнаўчы музей імя І. І. Стаброўскага Архівавана 7 лютага 2015.
80-гадовы шлях Слонімскага музея Архівавана 5 сакавіка 2016.