Стэнлі Норман Коэн

Стэнлі Норман Коэн (англ.: Stanley Norman Cohen; нар. 17 лютага 1935, Пэрт-Амбой, Нью-Джэрсі, ЗША) — амерыканскі генетык. Прафесар Стэнфардскага ўніверсітэта, член НАН ЗША (1979). Удастоены Нацыянальнага навуковага медаля (1988), лаўрэат прэміі Вольфа (1981).

Стэнлі Норман Коэн
англ.: Stanley Norman Cohen
Дата нараджэння	17 лютага 1935(1935-02-17) (89 гадоў)
Месца нараджэння	Петр-Амбой[d], акруга Мідлсекс, Нью-Джэрсі, ЗША
Грамадзянства	ЗША
Род дзейнасці	генетык, выкладчык універсітэта, урач, навуковы работнік
Навуковая сфера	генетыка
Месца працы	Стэнфардскі ўніверсітэт
Навуковае званне	Kwoh-Ting Li Professorship in the School of Medicine[d]
Альма-матар	Медыцынская школа Перэльмана пры Універсітэтце Пенсільваніі[d] Ратгерскі ўніверсітэт
Член у	Нацыянальная акадэмія навук ЗША Амерыканская акадэмія мастацтваў і навук Амерыканскае філасофскае таварыства Амерыканская асацыяцыя садзейнічання развіццю навукі
Узнагароды	прэмія Альберта Ласкера за фундаментальныя медыцынскія даследаванні (1980) прэмія Лемельсана[d] (1996) Нацыянальны медаль ЗША ў вобласці тэхналогій і інавацый (1989) прэмія Вольфа па медыцыне (1981) прэмія Медыцынскага цэнтра Олбані[d] (2004) Нацыянальная Зала славы вынаходнікаў[d] (2001) Biotechnology Heritage Award[d] (2016) прэмія Шаа[d] прэмія Шаа ў навуках аб жыцці і медыцыне[d] (2004)
Сайт	profiles.stanford.edu/… (англ.)

Выпускнік Ратгерскага ўніверсітэта, Коэн атрымаў вучоную ступень доктара ў Школе медыцыны Універсітэта Пенсільваніі ў 1960 г. Пасля далейшай падрыхтоўкі ў розных установах, у тым ліку ў Нацыянальных інстытутах аховы здароўя ЗША, ён у 1968 годзе далучыўся да выкладчыцкага складу Стэнфардскага ўніверсітэта.

Менавіта там Коэн пачаў даследаваць бактэрыяльныя плазміды. Ён хацеў зразумець, як гены плазмід могуць рабіць бактэрыі ўстойлівымі да антыбіётыкаў. Даследаванні Коэна ў 1972 годзе, у спалучэнні з даследаваннямі Пола Берга і Герберта Боера, прывялі да распрацоўкі метадаў для аб’яднання генаў і геннай трансплантацыі. Гэта адкрыццё адзначыла нараджэнне геннай інжынерыі, за што Коэн атрымаў у 1988 годзе Нацыянальны навуковы медаль ЗША. Суаўтар прапановы аб адзінай наменклатуры бактэрыяльных плазмід.

Сёння Коэн з’яўляецца прафесарам генетыкі і медыцыны ў Стэнфардскім універсітэце, дзе ён працуе над цэлым шэрагам навуковых праблем, у тым ліку рост і развіццё клетак. Сябра National Academy of Inventors (2017).