Сястра (раман)
раман Кузьмы Чорнага
«Сястра» — першы раман Кузьмы Чорнага, апублікаваны ў 1927—1928 гг. у часопісе «Узвышша». У гэтым творы аўтар раскрывае тэмы рэвалюцыі і паслярэвалюцыйнай сучаснасці, горада і вёскі, новага чалавека[1]. Гэта найбольш «гарадскі» і найбольш «інтэлігенцкі» па матэрыяле з усіх раманаў К. Чорнага[1].
| Сястра | |
|---|---|
| Аўтар | Кузьма Чорны |
| Мова арыгінала | беларуская |
| Дата першай публікацыі | 1927 |
| Апублікаваны ў | Узвышша |
На думку М. Тычыны, у гэтым рамане пісьменнік правяраў на трываласць асновы старога гуманізму ў новых гістарычных умовах[2]. Вобраз Мані Ірмалевіч («сястры») з'яўляецца ўвасабленнем душэўнасці, высокай духоўнасці, жаноцкасці і хараства.