Сігэноры Курода

Сігэноры Курода
Сігэноры Курода
	яп.: 黒田重徳
	28 мая 1943 — 26 верасня 1944
Папярэднік	Сідзуіты Танака
Пераемнік	Тамаюкі Ямасіта
Нараджэнне	25 кастрычніка 1887; Янагава[d], прэфектура Фукуока, Японія;
Смерць	30 красавіка 1954 (66 гадоў); Японія;
Дзейнасць	ваенны
Ваенная служба
Гады службы	1909—1945
Прыналежнасць	Імператарская армія Японіі
Званне	генерал
Камандаваў	14-я армія
Бітвы	япона-кітайская вайна; Ціхаакіянская вайна
	Медыяфайлы на Вікісховішчы

Сігэноры Курода (яп.: 黒田重徳; 25 кастрычніка 1887 — 30 красавіка 1954) — японскі генерал часоў Другой сусветнай вайны, ваенны губернатар Філіпінаў з 1943 па 1944 год.

Біяграфія Правіць

Сігэноры Курода быў родам з прэфектуры Фукуока. У 1909 годзе скончыў Рыкугун сікан гако, у 1916 годзе — Рыкугун дайгако. У гады Першай сусветнай вайны быў ваенным назіральнікам у Еўропе, у 1922 годзе быў прызначаны ваенным аташэ ў Вялікабрытанію. У 1924 годзе вярнуўся ў Японію.

У 1928 годзе стаў камандзірам 57-га пяхотнага палка, у 1932 — 59-га пяхотнага палка. У 1935—1937 гадах служыў ваенным аташэ ў Індыі. У 1938 годзе стаў камандзірам 4-й асобнай брыгады, у 1939 — камандзірам 26-й дывізіі, удзельнічаў у бітве за Уюань. У 1941 годзе стаў намеснікам галоўнага інспектара баявой падрыхтоўкі. З ліпеня 1942 года стаў начальнікам штаба Паўднёвай групы армій, у кастрычніку 1943 года стаў камандуючым 14-й арміяй на Філіпінах, пасля пераназванай у 14-ы фронт. У верасні 1944 года Курода быў заменены на Тамаюкі Ямасіту з прычыны таго, што апынуўся слабым камандзірам, які бавіў час гуляючы ў гольф замест арганізацыі ўмацавання абараназдольнасці архіпелага. У 1946 годзе Курода быў арыштаваны за ваенныя злачынствы, а ў 1949 годзе прысуджаны да пажыццёвага зняволення. Быў вызвалены ў 1952 годзе. Памёр 30 красавіка 1954 года.

Спасылкі Правіць

Сігэноры Курода на сайце pwencycl.kgbudge.com (англ.)