Талінская фондавая біржа
Талінская фондавая біржа — фондавая біржа ў Таліне, Эстонія, якая ўваходзіць да біржаў NASDAQ OMX Group. Галоўным фондавым індэксам біржы быў TALSE, пазней перайменаваны ў OMX Tallinn. Біржа з’яўляецца адзіным рэгуляваным другасным рынкам каштоўных папераў у Эстоніі. Выкарыстоўвае гандлёвыя платформы INET і SAXESS, якімі адначасова аперуюць біржы Швецыі, Фінляндыі, Даніі, Ісландыі, Латвіі і Літвы.
Талінская біржа была створана ў красавіку 1995 г. на базе Эстонскага цэнтральнага дэпазіторыя каштоўных папераў высілкамі 10 камерцыйных банкаў, 9 брокерскіх фірмаў і некаторых дзяржаўных устаноў (Банка Эстоніі і Міністэрства фінансаў). Першы гандлёвы дзень адбыўся 31 мая 1996 г., а індэкс упершыню быў падлічаны 3 чэрвеня 1996 г. Тады ў лістынг трапілі каштоўныя паперы ад 11 эмітэнтаў.
У красавіку 2001 г. стратэгічнае кіраўніцтва біржай перайшло да фінскай HEX Group, якая ў 2003 г. злілася з шведскай OM, утварыўшы разам новую біржу OMX. У 2008 г. праз зліццё OMX з NASDAQ Талінская фондавая біржа перайшла пад кантроль NASDAQ OMX.
Працоўныя часы біржы: 9:00-17:30.
Кампаніі, акцыямі якіх гандлююць на біржы
правіцьПа стане на красавік 2015 г.
Галоўны спіс
правіць- Arco Vara (тызэр ARC1T)
- Baltika (BLT1T)
- Ekspress Grupp (EEG1T)
- Harju Elekter (HAE1T)
- Merko Ehitus (MRK1T)
- Nordecon (NCN1T)
- Olympic Entertainment Group (OEG1T)
- PRFoods (PRF1T)
- Silvano Fashion Group (SFG1T)
- Skano Group (SKN1T)
- Tallink Grupp (TAL1T)
- Tallinna Kaubamaja Grupp (TKM1T)
- Tallinna Vesi (TVEAT)
Другасны спіс
правіць- Pro Kapital Grupp (PKG1T)
- Trigon Property Development (TPD1T)