Торстэйн Паўльсан

Загаловак гэтага артыкула — ісландскае асабістае імя. У ісландцаў, за рэдкімі выключэннямі, няма прозвішчаў; частка імя, якая сканчаецца на «-сан» або «-доўцір», з’яўляецца не прозвішчам, а іменем па бацьку. Па імені па бацьку звяртацца да ісландцаў не прынята; чалавека, апісанага ў гэтым артыкуле, правільна зваць Торстэйн.

То́рстэйн Па́ўльсан, ісл.: Þorsteinn Pálsson (29 кастрычніка 1947) — прэм'ер-міністр Ісландыі з 8 ліпеня 1987 да 28 верасня 1988.

Торстэйн Паўльсан Þorsteinn Pálsson
Прэм'ер-міністр Ісландыі
8 ліпеня 1987 — 28 верасня 1988
Папярэднік	Стэйнгрымур Хермансан
Пераемнік	Стэйнгрымур Хермансан
Партыя	Партыя незалежнасці
Адукацыя	Універсітэт Ісландыі
Дзейнасць	дыпламат, палітык, журналіст
Нараджэнне	29 кастрычніка 1947(1947-10-29) (73 гады) Сельфас, Árborg[d], Судурланд, Ісландыя

Біяграфія

Скончыў Камерцыйны каледж і Ісландскі ўніверсітэт, у 1974 абараніў дысертацыю, атрымаў ступень бакалаўра. Яшчэ ў гады вучобы пачаў займацца журналістыкай. Пасля заканчэння ўніверсітэта працаваў у штодзённай газеце «Morgunblaðið», а пазней узначаліў рэдакцыю газеты «Vísir».

У 1979—1987 узначальваў саюз прадпрымальнікаў Ісландыі. У 1983—1999 быў дэпутатам Альтынга, у 1983—1991 быў старшынёй Партыі незалежнасці, пасля чаго прайграў Давіду Одсану. У 1985—1987 займаў пасада міністра фінансаў, у 1991—1999 — міністр рыбалоўства, юстыцыі і рэлігіі. Затым быў паслом Ісландыі ў Вялікабрытаніі і Даніі. У 2006—2009 — рэдактар газеты «Fréttablaðið».

Захапляецца рыбалкай, заўзяты аматар тэатра, шмат чытае, захапляецца музыкай. Жанаты, трое дзяцей, жонка — юрыст па прафесіі.

Зноскі

Папярэднік: Гейр Халгрымсан	Старшыня Партыі незалежнасці 1983–1991	Пераемнік: Давід Одсан
Папярэднік: Стэйнгрымур Хермансан	Прэм'ер-міністр Ісландыі 1987–1988	Пераемнік: Стэйнгрымур Хермансан