Транг (тайск.: ตรัง) — правінцыя на поўдні Тайланда, размешчана на заходнім узбярэжжы паўвострава Малака. Мяжуе з правінцыямі: Крабі, Накхонсітхамарат, Пхатхалунг і Сатун. Правінцыя размешчана на ўзбярэжжы Андаманскага мора, акрамя мацерыковай часткі ўключае ў сябе таксама 46 астравоў. Большая частка тэрыторыі пакрыта ўзгоркамі, доля раўнін нязначная. Дзве галоўныя ракі правінцыі — Транг і Паліян — бяруць пачатак у гарах Накхонсітхамарат. Берагавая лінія правінцыі складае 119 км. Узбярэжжа славіцца мноствам прыгожых астравоў, а ўсходнія горныя раёны правінцыі — вадаспадамі, пячорамі і некранутымі джунглямі. На ўзбярэжжы і ў горных далінах размешчаны плантацыі каўчуканосаў.
Зноскі
Медыяфайлы на Вікісховішчы
