Адкрыць галоўнае меню

Грамадскі транспарт Таліна — сетка гарадскога транспарту, якая абслугоўвае сталіцу Эстоніі горад Талін. Да грамадскага транспарта ў Таліне адносяцца аўтобус, трамвай, тралейбус, прыгарадныя цягнікі і паром.

АўтобусПравіць

Аўтобусны транспарт у Таліне добра развіты. Асабліва ў раёнах Пірыта, Ласнамяэ і Ныме, дзе ён з'яўляецца асноўным відам транспарту. У горадзе дзейнічаюць 72 аўтобусныя маршруты, па якіх ходзяць аўтобусы марак Scania, Volvo, MAN і Iveco у перыяд паміж 05:20 і 0:20. Некаторыя аўтобусныя маршруты, асабліва экспрэс-маршруты, працуюць толькі ў гадзіны пік.

ТрамвайПравіць

 
Трамвай тыпу Tatra KTNF6 з сярэдняй нізкападлогавай секцыяй ў Таліне

Трамвайная сістэма ў Таліне была адкрыта 24 жніўня 1888 года ў выглядзе конкі. З 1916 года дзейнічала лінія на паравой і бензаматорнай цязе, з 1925 года — у сучасным выглядзе, на электрычнай цязе. Дзейнічаюць чатыры маршруты трамвая, агульная працягласць ліній — 39 км.

ТралейбусПравіць

Першы маршрут быў адкрыты ў Таліне 6 ліпеня 1965 года. З тых часоў тралейбусная сетка пашырылася да 9 маршрутаў, а пасля сетка была скарочаная. Тралейбусы абслугоўваюць заходнюю частку Таліна. Па дадзеных на май 2017 года дзейнічаюць 4 тралейбусныя маршруты (№ 1, 3, 4 і 5) з цэнтра горада да раёна Мустамяэ.

Прыгарадныя цягнікіПравіць

Прыгараднымі цягнікамі карыстаюцца жыхары горада ў раёнах Ныме і Ласнамяэ. Канчатковы прыпынак знаходзіцца на вакзале Талін.

ПаромПравіць

У Таліне ёсць паромныя зносіны з востравам Аэгна. Паколькі на Аэгне не шмат жыхароў, паромам карыстаюцца ў асноўным турысты, і ён працуе толькі летні час. Жыхары горада могуць бясплатна карыстацца паромам.

СпасылкіПравіць