Тэхнічны ўніверсітэт у Ліберцы

Тэхнічны ўніверсітэт у Ліберцы (чэшск.: Technická univerzita v Liberci) — чэшская дзяржаўная політэхнічная вышэйшая навучальная ўстанова са статусам універсітэта і з сядзібай у горадзе Ліберац.

Тэхнічны ўніверсітэт у Ліберцы
чэшск.: Technická univerzita v Liberci
Арыгінальная назва	чэшск.: Technická univerzita v Liberci
Міжнародная назва	англ.: Technical University of Liberec
Заснаваны	1953
Краіна	Чэхія
Размяшчэнне	Ліберац
Сайт	tul.cz
Медыяфайлы на Вікісховішчы

Характарыстыка

Установа была створана пастановай урада Чэхаславакіі ад 27 лютага 1953 года як Вышэйшая механічная школа. Для новай установы быў вызвалены будынак гімназіі. У кастрычніку 1953 года 259 студэнтаў паступілі на першы курс. У той час у школе было шэсць аддзяленняў, на якіх працавалі 19 педагогаў. Яны сканцэнтраваліся на галінах, тыповых для Паўночнай Чэхіі: машынабудаванне, тэкстыльная, швейная, шкляная і керамічная прамысловасць. У наступныя гады школа расла не толькі за кошт новых вучняў, але і за кошт новых памяшканняў: былі пабудаваныя новыя інтэрнаты, набыты будынкі вакол сённяшняй Студэнцкай плошчы і інш. У 1958 годзе першы 121 выпускнік скончыў школу. У 1960 годзе школа была падзелена на факультэты інжынерыі і тэкстылю і стала Вышэйшай школай інжынерыі і тэкстылю ў Ліберцы. Акрамя таго, былі набыты будынкі пасля скасаванага мясцовага педагагічнага інстытута. З павелічэннем колькасці студэнтаў, вядома, умяшчальнасць тагачасных інтэрнатаў перастала быць дастатковай. Таму ў 1977 годзе было пачата будаўніцтва комплексу з шасці секцый умяшчальнасцю 2300 ложка-месцаў. Комплекс быў завершаны ў яго цяперашнім выглядзе ў 1990 годзе. У 1990—1994 гадах у школе былі створаны яшчэ чатыры факультэты: педагагічны (1990), эканамічны (1992), архітэктурны (1994) і мехатронікі і міждысцыплінарных інжынерных навук (1995). Дзякуючы такому росту, уласнай даследчай дзейнасці і міжнародным сувязям школа з 1 студзеня 1995 года атрымала статус тэхнічнага ўніверсітэта.

Структура

• факультэт машынабудавання
• факультэт тэкстылю
• факультэт прыродазнаўча-гуманітарных навук і педагогікі
• факультэт эканомікі
• факультэт мастацтва і архітэктуры
• факультэт мехатронікі, інфарматыкі і міждысцыплінарных даследаванняў
• інстытут медыцынскіх навук

Спасылкі

• На Вікісховішчы ёсць медыяфайлы па тэме Тэхнічны ўніверсітэт у Ліберцы
• Афіцыйная інтэрнэт-старонка ўстановы