Уладзіслаў Анатолевіч Пятручык

Уладзіслаў (Уладзь) Анатолевіч Пятручык (нар. 1989, Мінск) — беларускі мастак.

Уладзіслаў Анатолевіч Пятручык
Дата нараджэння	1989
Месца нараджэння	Мінск, БССР, СССР
Род дзейнасці	мастак
Жанр	пейзаж
Вучоба	Мінскі дзяржаўны мастацкі каледж імя А. К. Глебава (2009) Беларуская дзяржаўная акадэмія мастацтваў (2015)

Біяграфія

Нарадзіўся ў Мінску ў 1989 годзе. У 2005—2009 гадах вучыўся на аддзяленні графічнага дызайна Мінскага мастацкага вучылішча імя А. К. Глебава, у 2009—2015 гадах у Беларускай акадэміі мастацтваў на аддзяленні манументальна-дэкаратыўнага мастацтва.

Творчасць

Працуе пераважна ў жанры пейзажу. Працы знаходзяцца ў прыватных калекцыях Расіі, Кыргызстана, Аўстрыі, Галандыі, Германіі. Асноўныя выстаўкі і пленэры: пленэр «Грані рэалізму. Уладзімірскія пералівы» (2008,Расія), выстаўка мастакоў Беларусі «Суквецця зямлі нашай» у Новым манежы (2010, Масква), выстаўка выкладчыкаў і студэнтаў кафедры манументальна-дэкаратыўнага мастацтва Беларускай дзяржаўнай акадэміі мастацтваў (2011, Светлагорск), пленэр «Ісык-куль. Блакітныя вароты Кыргызстана» (2011, Кыргызстан), маладзёжныя выстаўкі ў Палацы мастацтваў (2012, 2013, Мінск), персанальная выстаўка ў галерэі «Вільнюс» (2014, Мінск), выстаўка, прысвечаная 70-годдзю заснавання Беларускай дзяржаўнай акадэміі мастацтваў (2015, Мінск), маладзёжная выстаўка «Сэлфі» (2015, Мінск), аленэр «Прастора Суціна» (2015, Беларусь), пленэры «Пачаткі» (2015, 2016, Беларусь), персанальная выстаўка ў галерэі «Арт-гасцёўня Высокае места» (2016, Мінск), выстаўка «Прастора Суціна» ў Яўрэйскім цэнтры культуры і інфармацыі (2016, Вільнюс), выстаўка «Прастора Суціна» (2016, Францыя, Ле Блан)

Аформіў вокладкі беларускіх выданняў цыклу кніг Анджэя Сапкоўскага «Вядзьмар».

Спасылкі

• Петручик Владислав