Уладзімір Андрэевіч Маланкін

Уладзімір Андрэевіч Маланкін (4 мая 1929 — 21 сакавіка 1978) — беларускі тэатральны рэжысёр, педагог. Заслужаны дзеяч мастацтваў БССР (1977).

Уладзімір Андрэевіч Маланкін
Дата нараджэння	4 мая 1929(1929-05-04)
Месца нараджэння	Менск, Менская акруга, БССР, СССР
Дата смерці	21 сакавіка 1978(1978-03-21) (48 гадоў)
Месца смерці	Мінск, БССР, СССР
Грамадзянства	СССР
Месца працы	Дзяржаўны тэатр юнага гледача Латвійскай ССР[d] Нацыянальны акадэмічны драматычны тэатр імя Максіма Горкага Беларускі дзяржаўны акадэмічны тэатр юнага гледача
Альма-матар	Беларуская дзяржаўная акадэмія мастацтваў
Узнагароды і прэміі

Біяграфія

Бацька, палкоўнік Андрэй Іларыёнавіч Маланкін (нар. 1896), у гады вайны быў намеснікам камандзіра 42-га стралковага корпуса па тыле. Узнагароджаны ордэнам Леніна, двума ордэнамі Чырвонага Сцяга і Чырвонай Зоркі, медалём «XX гадоў РСЧА».

Скончыў Беларускі тэатральна-мастацкі інстытут у 1952 годзе (курс народнага артыста БССР Дз. А. Арлова), па спецыяльнасці акцёр тэатра і кіно і быў залічаны акцёрам у трупу Дзяржаўнага рускага драматычнага тэатра БССР імя М.Горкага.

У 1954 годзе паступіў у Дзяржаўны інстытут мастацтваў у Маскве (курс народнага артыста СССР А. А. Папова), па спецыяльнасці рэжысёр драматычнага тэатра, які скончыў у 1959 годзе.

З 1959 па 1962 год працаваў у Латвійскім тэатры юнага гледача ў Рызе.

З 1962 па 1964 і з 1971 па 1978 гг. — рэжысёр Дзяржаўнага рускага драматычнага тэатра БССР імя М.Горкага. У 1965—1967 гг. — галоўны рэжысёр Беларускага рэспубліканскага тэатра юнага гледача. Адначасова з 1962 года выкладаў у Беларускім тэатральна-мастацкім інстытуце (з 1967 па 1971 г. — загадчык кафедры акцёрскага майстэрства і рэжысуры).