Уладзіслаў Катраманіч
Уладзіслаў Катраманіч (басн.: Vladislav Kotromanić, 1295—1354) — бан Босніі.
| Уладзіслаў Катраманіч | |||||||
|---|---|---|---|---|---|---|---|
| Vladislav Kotromanić | |||||||
|
|||||||
| Сумесна з | Стэфан II Катраманіч | ||||||
| Папярэднік | Стэфан II Катраманіч | ||||||
| Пераемнік | Твртко I | ||||||
| Нараджэнне | 1295 | ||||||
| Смерць | 1354 | ||||||
| Бацька | Стэфан I Катраманіч[d] | ||||||
| Маці | Елізавета Няманіч | ||||||
| Жонка | Алена Шубіч[d] | ||||||
| Дзеці | Вук[d], Твртко I і Катарына Катраманіч[d] | ||||||
| Веравызнанне | Каталік | ||||||
Біяграфія
правіцьУладзіслаў быў сынам баснійскага бана Стэфана I Катраманіч і Лізаветы, дачкі сербскага кіраўніка Стэфана Драгуціна. У пачатку XIV стагоддзя, скарыстаўшыся грамадзянскай вайной у Венгерскім каралеўстве, Боснію ўзяў пад свой кантроль «некаранаваны кароль Харватыі» Павел I Шубіч, пазбавіўшы Стэфана I улады. У 1312 годзе ён памёр, і «гаспадаром усёй Босніі» стаў яго сын Младан II Шубіч. Калі ў 1314 годзе памёр Стэфан I, Лізавета вырашыла бегчы разам з дзецьмі ў Дуброўніцкую рэспубліку.
У Младана II было шмат праціўнікаў як унутры краіны, так і за яе межамі, і паступова ён прыйшоў да думкі зрабіць сваім намеснікам у Босніі сына памерлага Стэфана I, які быў бы больш прымальны для баснійскай знаці, чым Младан. У 1320 годзе банам Босніі стаў Стэфан II Катраманіч. У 1322 годзе Младан II быў арыштаваны венгерскім каралём, і Стэфан II стаў кіраваць самаўладна. У 1326 годзе ён зрабіў Уладзіслава сваім суправіцелем.
Уладзіслаў быў у шлюбе з Аленай Шубіч, дачкой Юрая II, які ўзначаліў клан Шубічаў пасля арышту Младана II. З-за таго, што яны знаходзіліся адзін з адным у сваяцтве трэцяй ступені, гэты шлюб запатрабаваў адмысловага дазволу каталіцкай царквы.
У 1353 годзе, калі сканаў Стэфан II, Уладзіслаў па прычыне дрэннага здароўя таксама адрокся ад прастола на карысць свайго 15-гадовага сына Твртка. У наступным годзе ён сканаў.