Універсітэт імя Ч. Тафтса

Універсітэт імя Ч. Тафтса (англ.: Tufts University) — амерыканская прыватная вышэйшая навучальная ўстанова са статусам даследчага ўніверсітэта, якая месціцца ў горадзе Сомерсвіл у штаце Масачусетс, ЗША.

Універсітэт імя Ч. Тафтса
англ.: Tufts University
Арыгінальная назва	англ.: Tufts University
Заснаваны	1852
Студэнты	9 517 і 12 432
Размяшчэнне	Сомерсвіл, Масачусетс, ЗША
Сайт	tufts.edu
Медыяфайлы на Вікісховішчы

Агульная характарыстыка

Універсітэт быў заснаваны ў 1852 годзе як каледж хрысціянскімі ўніверсалістамі, якія імкнуліся стварыць несектантанскую вышэйшую навучальную ўстанову ў Новай Англіі. Вучэльня носіць імя Чарльза Тафтса, які ахвяраваў 20 акраў зямлі для арганізацыі вучэльні, якія сёння з'яўляюцца галоўным універсітэцкім кампусам. Вучэльня заставалася невялікім гуманітарным каледжам да 1970-х гадоў, калі ператварылася ў вялікі даследчы ўніверсітэт.

Універсітэт прапануе больш за 90 праграм бакалаўрыяту і 160 магістратуры. Ён класіфікуецца як доктарскі ўніверсітэт з вельмі высокай даследчай актыўнасцю і з'яўляецца сябрам Асацыяцыі амерыканскіх універсітэтаў. Універсітэт мае таксама дадатковы кампус у цэнтры Бостана, у якім размяшчаюцца медыцынская, стаматалагічная школы і школа харчавання, а таксама вышэйшая школа біямедыцынскіх навук.

Структура

• Школа мастацтваў і навук
• Вышэйшая школа мастацтваў і навук
• Вышэйшая школа біямедыцынскіх навук
• Школа ветэрынарнай медыцыны
• Школа стаматалагічнай медыцыны
• Школа інжынерыі
• Школа Флетчара
• Школа навукі і палітыкі ў галіне харчавання
• Школа медыцыны
• Школа Музея выяўленчага мастацтва
• Каледж грамадзянскага жыцця
• Універсітэцкі каледж

Гл. таксама

• Спіс універсітэтаў штата Масачусетс

Спасылкі

• На Вікісховішчы ёсць медыяфайлы па тэме Універсітэт імя Ч. Тафтса
• Афіцыйная інтэрнэт-старонка ўстановы