Уладзімір Пятровіч Самовіч

Уладзімір Пятровіч Самовіч (22 студзеня 1928, Мінск — 2009, Брэст) — беларускі дзяржаўны дзеяч. Ганаровы грамадзянін горада Брэста (1998).

Уладзімір Пятровіч Самовіч
Нараджэнне	22 студзеня 1928(1928-01-22) Менск, Менская акруга, БССР, СССР
Смерць	2009 Брэст, Брэсцкая вобласць, Беларусь
Адукацыя	Брэсцкі дзяржаўны ўніверсітэт імя А. С. Пушкіна (1950-я)
Навуковая ступень	кандыдат гістарычных навук
Дзейнасць	дзяржаўны дзеяч
Узнагароды	Ганаровы грамадзянін горада Брэста (22 студзеня 1998)

Біяграфія

У 1948 годзе паступіў у Брэсцкі педагагічны інстытут. Пасля заканчэння інстытута працаваў першым сакратаром Камянецкага, пазней Івацэвіцкага райкамаў камсамола, з 1952 годзе — сакратар, другі сакратар Брэсцкага абласнога камітэта ЛКСМБ. З 1958 года на партыйнай рабоце. Першы сакратар Брэсцкага гарадскога камітэта КПБ (1971—1985), загадчык аддзела Брэсцкага абкама партыі. Кандыдат гістарычных навук.

Дэпутат Вярхоўнага Савета БССР 7—10-га скліканняў, абіраўся членам ЦК КПБ, дэпутатам Брэсцкага гарадскога савета. Узнагароджаны ордэнамі Леніна, Працоўнага Чырвонага Сцяга, двума ордэнамі «Знак Пашаны», пяццю медалямі. На доме, у якім жыў У. П. Самовіч, устаноўлена мемарыяльная дошка.

Спасылкі

• Профіль на сайце Брэсцкага гарвыканкама Архівавана 30 жніўня 2020. (руск.)
• Профіль на сайце БрДУ (руск.)