Фларыдскі міжнародны ўніверсітэт

Фларыдскі міжнародны ўніверсітэт (англ.: Florida International University) — амерыканская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Маямі, штат Фларыда.

Фларыдскі міжнародны ўніверсітэт
англ.: Florida International University
Арыгінальная назва	англ.: Florida International University
Заснаваны	1965
Студэнты	48 439 і 41 409
Краіна	ЗША
Размяшчэнне	Маямі, Фларыда, ЗША
Сайт	fiu.edu
Медыяфайлы на Вікісховішчы

Агульная характарыстыка

Заснаваная ў 1965 годзе заканадаўчым органам штата Фларыда, вучэльня адчыніла свае дзверы для студэнтаў у 1972 годзе. Універсітэт вырас і стаў трэцім па велічыні універсітэтам штата і восьмым па велічыні дзяржаўным універсітэтам у Злучаных Штатах па колькасці студэнтаў. Ён мае 11 каледжаў і больш за 40 цэнтраў, устаноў, лабараторый і інстытутаў, якія прапануюць больш за 200 праграм навучання. Гадавы бюджэт універсітэта складае больш за 1,7 мільярда долараў ЗША, а штогадовы эканамічны эфект — больш за 5 мільярдаў долараў ЗША.

Структура

• Каледж архітэктуры і мастацтваў
• Каледж мастацтваў, навук і адукацыі
• Каледж бізнесу
• Каледж інжынерыі і камп'ютарных навук
• Каледж права
• Каледж медыцыны
• Каледж медсястрынства і навук аб здароўі
• Каледж грамадскага здароўя і сацыяльнай работы
• Школа гасцінасці і турыстычнага менеджменту
• Школа міжнародных і грамадскіх спраў
• Ганаровы каледж

Гл. таксама

• Спіс універсітэтаў штата Фларыда

Спасылкі

• На Вікісховішчы ёсць медыяфайлы па тэме Фларыдскі міжнародны ўніверсітэт
• Афіцыйная інтэрнэт-старонка ўстановы