Флор Руіс
Флор Дэніс Руіс Хуртада (ісп.: Flor Denis Ruiz Hurtado; нар. 29 студзеня 1991 г., Прадэра, Валье-дэль-Каўка) — калумбійская лёгкаатлетка, спецыялістка па кіданні дзіды. Сярэбраны прызёр чэмпіянату свету 2023 года, двухразовая чэмпіёнка Паўднёва-Амерыканскіх гульняў, удзельніца летніх Алімпійскіх гульняў 2012 і 2016 гадоў.
 Флор Руіс | |
|---|---|
| Пол | жанчына |
| Імя пры нараджэнні | ісп.: Flor Denis Ruiz Hurtado |
| Спецыялізацыя | javelin throw[d] |
| Нарадзілася |
29 студзеня 1991[1] (33 гады) |
| Грамадзянства | |
| Рост | 172 см[2] |
| Вага | 67 кг[2] |
| IAAF | 14369335 |
Біяграфія правіць
Флор Руіс нарадзілася 29 студзеня 1991 года ў горадзе Прадэра.
У 2012 годзе Руіс прыняла ўдзел у летніх Алімпійскіх гульнях у Лондане. У кіданні дзіды яна не змагла кваліфікавацца ў фінал, паказаўшы толькі 32-і вынік — 54, 34 метры.
Упершыню ў кар’еры ў 2013 годзе калумбійка выступіла на дарослым чэмпіянаце свету. У Маскве яна стала 23-й з вынікам 57,47 метраў. На наступны год яна атрымала перамогу ў Паўднёва-Амерыканскіх гульнях, якія праходзілі ў Сант’яга. Яе вынік — 60,59 метраў.
На чэмпіянаце свету 2015 года ў Кітаі яна зноў не прабілася ў фінал і заняла 27-е месца з вынікам 57,25 метра. На Панамерыканскіх гульнях у Таронта была пятай.
У Рыа-дэ-Жанейра, на летніх Алімпійскіх гульнях у 2016 годзе ёй удалося кваліфікавацца ў фінал і паказаць выніковы дзевяты вынік — 61,54 метра. Праз год на сусветным першынстве ў Лондане зноў паказала толькі 23-і вынік і 57,94 метра.
У 2019 годзе прыняла ўдзел у Панамерыканскіх гульнях, якія адбыліся ў Перу і заняла выніковае шостае месца.
У 2022 годзе прыняла ўдзел у Паўднёва-Амерыканскіх гульнях, якія адбыліся ў Парагваі. У кіданні дзіды яна стала пераможцам, другі раз у кар’еры, з вынікам 62,97 метра.
На чэмпіянаце свету 2023 года, які адбыўся ў Будапешце, калумбійская спартсменка стала сярэбранай медалісткай з вынікам 65,47 метра — гэта асабісты рэкорд.