Філадэльфійскі канвент
Філадэльфійскі канвент, які праходзіў з 25 мая па 17 верасня 1787 г. у Філадэльфіі, штат Пенсільванія, быў скліканы для перагляду артыкулаў Канфедэрацыі. Нягледзячы на тое, што першапачаткова Канвент быў задуманы толькі для выпраўлення і ўдакладнення існуючых законаў, у ходзе дыскусій удзельнікі Канвента перайшлі да стварэння новага дакумента — Канстытуцыі ЗША, якая ў выніку і была падпісана ў якасці асноўнага закона новай дзяржавы.
