Цы (жанр)

Цы — жанр кітайскай класічнай паэзіі. Узнік у часы дынастыі Тан. Росквіту дасягнуў у 11-12 стст. ў творчасці Лю Юна, Оуяна Сю, Су Шы, Лі Цынчжаа, Лу Ю, Сінь Ці-Цзі. Вершы ў жанры цы першапачаткова ствараліся як песенныя тэксты на пэўныя мелодыі, якіх налічвалася больш за 800. Цы падзяляюцца на своеасаблівыя цыклы, у кожным з якіх мелодыя прадвызначае памер, чаргаванне тонаў, строфіку і рыфму. Рыфма ў цы (у адрозненне ад шы) не рэгламентаваная адмысловымі рыфмоўнікамі. Цы — у асноўным лірыка пейзажнага або інтымнага характару, аднак у творах Су Шы і Сінь Ці-Цзі гучаць таксама філасофскі і грамадзянскі матывы.

Літаратура

• Helwig Schmidt-Glintzer: Geschichte der chinesischen Literatur. Bern 1990, ISBN 3406453376.