Цэлесцін

Цэлесці́н — мінерал класа сульфатаў, сульфат стронцыю, SrO₂.

Цэлесцін
Цэлесцін з вострава Мадагаскар
Формула	SrO2
Сінгонія	рамбічная
Крышталічная рашотка	a = 8.359, b = 5.352, c = 6.866
Крышталічная рашотка	a = 8.359, b = 5.352, c = 6.866
Колер	блакітны, белы, шэры, чырванаваты, зеленаваты, бясколерны
Колер рысы	белы
Бляск	шкляны, на зломах з перламутравым адлівам
Празрыстасць	празрысты, прасвечвае
Цвёрдасць	3—3,5
Спайнасць	дасканалая
Злом	няроўны
Шчыльнасць	3,9—4 г/см³

Уласцівасці

Крышталізуецца ў рамбічнай сінгоніі. Утварае таблітчастцыя і прызматычныя крышталі, зярністыя, шкарлупістыя агрэгаты. Колер блакітны, белы, шэры, чырванаваты, зеленаваты, зрэдку бясколерны. Бляск шкляны. Крохкі. Цвёрдасць 3—3,5 па шкале Моаса. Шчыльнасць 3,9—4 г/см³. Змяшчае да 56,41 % SrO, часта прымесі CaO ў суадносінах 1:1 да аксіду стронцыю і да 20—26 % аксіду барыю.

Паходжанне і радовішчы

Мае метасаматычнае, вулканагенна-асадкавае, жыльнае эпігенетычнае, асадкавае і інш. паходжанне. Трапляецца ў выглядзе ўкрапанікаў, гнёзд, жэод, канкрэцый, буйных лінзавадобных і жылападобных цел.

Радовішчы ў Аўстрыі, Вялікабрытаніі, Германіі, Італіі, Іране, ЗША, Кітаі, Канадзе, Мексіцы, Расіі, Турцыі і інш.

Выкарыстанне

Цэлесціт з’яўляецца асноўнай рудой на стронцый. Выкарыстоўваецца пры вырабе марозаўстойлівай сталі ў чорнай металургіі, у вытворчасці феерверкаў і трасіруючых куль, шкла і керамікі, у радыёэлектроніцы, пры рафінаванні бураковага цукру.

Літаратура

• Цэлесцін // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн.: БелЭн, 2003. — 512 с.: іл. ISBN 985-11-0279-2 (т. 17), ISBN 985-11-0035-8. — С. 161.
• Горная энциклопедия / Под редакцией Е. А. Козловского. — М.: Советская энциклопедия. 1984—1991.(руск.) 

Спасылкі

• Целестин // Каталог минералов(руск.) 
• Celestine Mineral Data // Mineralogy Database(англ.) 
• Каталог электронных образовательных ресурсов(руск.)  // Томскі дзяржаўны ўніверсітэт