Шарада (фільм)

«Шарада» (англ.: Charade; ЗША, 1963) — рамантычны дэтэктыў кінарэжысёра Стэнлі Донена. Галоўныя ролі выканалі Одры Хепбёрн і Кэры Грант (адно з апошніх з’яўленняў 59-гадовага акцёра на экране). Намінацыя на прэмію «Оскар» за лепшую песню (Charade). У 2002 годзе быў пастаўлены рэмэйк «Праўда пра Чарлі».

Шарада
англ.: Charade
Жанр	рамантычная камедыя[d], крымінальны трылер[d], фільм-містэрыя[d], камедыйны трылер[d] і фільм-паляванне на скарбы[d]
Рэжысёр	Stanley Donen[d][…]
Прадзюсар	Stanley Donen[d]
Сцэнарыст	Peter Stone[d]
У галоўных ролях	Кэры Грант[…] Одры Хепбёрн[…] Walter Matthau[d][…] Джэймс Коберн[d][…] George Kennedy[d] Ned Glass[d] Jacques Marin[d] Bernard Musson[d] Chantal Goya[d] Claudine Berg[d] Clément Harari[d] Colin Drake[d] Dominique Minot[d] Jacques Préboist[d] Marcel Bernier[d] Max Elloy[d] Michel Thomass[d] Paul Bonifas[d] Raoul Delfosse[d] Roger Trapp[d] Stanley Donen[d] Lucien Desagneaux[d] Marc Arian[d] Monte Landis[d] Peter Stone[d] Marcel Imhoff[d]
Аператар	Charles Lang[d]
Кампазітар	Генры Манчыні
Кінакампанія	Stanley Donen Films[d]
Працягласць	113 хв.
Бюджэт	4 000 000 $
Зборы	13 474 588 $ і 13 474 929 $
Краіна	ЗША
Мова	англійская
Год	5 снежня 1963, 13 снежня 1963, 21 снежня 1963 і 1963
IMDb	ID 0056923
Медыяфайлы на Вікісховішчы

Сюжэт

Маладая жанчына Рэджына Лэмперт (Одры Хепбёрн) не вельмі шчаслівая ў шлюбе і нават задумваецца пра развод. Вярнуўшыся з гарналыжнага курорта ў Парыж, дзе яна працуе перакладчыцай-сінхраністкай у ЮНЕСКА, Рэджына даведаецца, што яе муж Роберт забіты (скінуты з цягніка), але перад гэтым ён прадаў усю іх маёмасць на агульную суму каля 250 тысяч долараў. Грошы ні пры ім, ні ў цягніку не знайшлі. Парыжская паліцыя наогул схільная лічыць маладую ўдаву асноўнай падазронай.

Нейкі амерыканец, які запрасіў місіс Лэмперт у амбасаду ЗША і які прадставіўся містэрам Барталам’ю (Уолтар Матаў), уводзіць Рэджыну ў курс гэтай цёмнай справы. Высвятляецца, яе былы муж падчас вайны служыў у разведцы і разам з чатырма саслужыўцамі прысвоіў чвэрць мільёна долараў, прызначаных для падтрымкі французскага Супраціву. Але будучы муж Рэджыны ўтаіў гэтыя грошы ад сваіх саўдзельнікаў, і зараз яго былыя калегі спрабуюць знайсці і вярнуць іх. І яны ўпэўненыя, што ўдава ведае, дзе яны, і рана ці позна навядзе іх на здабычу. Рэджына падвяргаецца сур’ёзнай і цалкам рэальнай небяспецы, таму дапамога і падтрымка іншага амерыканца — Пітэра Джошуа (Кэры Грант), з якім яна пазнаёмілася на адпачынку і запрасіла працягнуць знаёмства ў Парыжы, — даводзіцца вельмі дарэчы. Неўзабаве з’яўляюцца самі саўдзельнікі мужа, аднак справа яшчэ больш заблытваецца, калі яны адзін за адным пачынаюць гінуць.

Рэджына — моцная духам і рашучая жанчына, зусім не схільная да істэрыкі. Але яна разумее — зрабіць штосьці ў адзіночку яна не ў сілах, неабходна вырашыць, каму можна даверыцца. І вось гэта і аказваецца самым складаным…

У ролях

• Одры Хепбёрн — Рэджына Лэмперт
• Кэры Грант — Пітэр Джошуа, ён жа Аляксандр Дайл, ён жа Адам Кэнфілд, ён жа Браян Крукшэнк
• Уолтар Мэтаў — Гамільтан Барталам’ю, ён жа Карсан Дайл
• Джэймс Коберн — Тэкс Пэнтолаў
• Джордж Кенэдзі — Герман Скобі
• Нед Глас - Леапольд Гідэон
• Жак Марэн - інспектар Эдуар Гранп'ер
• Дамінік Міно - Сільві Годзе
• Томас Чэлімскі - Жан-Луі Гадэ