Штэфан Лохнер
Штэфан Лохнер, Майстар Штэфан Кёльнскі (ням.: Stefan Lochner, Stephan Lochner; 1400—1410, Мерсбург — 1451, Кёльн) — нямецкі жывапісец, вядучы майстар кёльнскай школы.
| Штэфан Лохнер | |
|---|---|
| ням.: Stefan Lochner | |
| Дата нараджэння | 1410[1] |
| Месца нараджэння | |
| Дата смерці | 1451[1] |
| Месца смерці | |
| Грамадзянства | |
| Род дзейнасці | мастак, ілюмінатар рукапісаў |
| Мастацкі кірунак | нямецкае Адраджэнне[d] |
 Медыяфайлы на Вікісховішчы | |
Працаваў у Кёльне з пачатку 1430-х гг. Разглядаецца гісторыкамі мастацтва як галоўны майстар кёльнскай школы. Для мастакоў гэтай школы характэрны лірызм і мяккасць у трактоўцы вобразаў Святога Пісання.
Лохнер ішоў па слядах заснавальніка школы, майстра Вільгельма. Галоўны і несумненны яго твор — знакаміты алтарны складань у Кёльнскім саборы з выявамі «Пакланення вешчуноў» на сярэдняй дошцы і сцэн з жыцця св. Герэона і св. Уршулі на бакавых створках (напісаны пасля 1426 года). Верагодна, яму ж належаць «Маці Божая ў альтанцы з ружаў», якая знаходзіцца ў кёльнскім Музеі Вальрафа-Рыхарца, і «Грамніца Пана» (1447) у Дармштацкай галерэі.
У 1447 годзе Лохнер становіцца членам гарадской рады Кёльна.
Зноскі
- ↑ а б Bibliothèque nationale de France data.bnf.fr: платформа адкрытых даных — 2011. Праверана 10 кастрычніка 2015.
- ↑ Deutsche Nationalbibliothek Агульны нарматыўны кантроль — 2012—2016. Праверана 13 снежня 2014.