Эндла (тэатр)

Эндла (эст.: Endla teater) — тэатр у Пярну, Эстонія.

Эндла
Заснаваны	1911
Сайт	endla.ee
Медыяфайлы на Вікісховішчы

Гісторыя

Папярэднікам будынка тэатра было вялікае складское памяшканне без вокнаў, пабудаванае ў Пярну для гастралюючых тэатральных труп у пачатку XIX стагоддзя і вядомае сярод жыхароў пад назвай «Planwagen». Яго памеры былі прыкладна 33 метраў у даўжыню і 10 метраў у шырыню. Першы цалкам эстонамоўны спектакль быў прадстаўлены ў ім у 1824 годзе. Гэта была буфанада ў двух актах «Permi Jago unne-näggo» у пастаўноцы талінскай нямецкай акцёрскай трупы, якая з’яўлялася адаптацыяй камедыі Аўгуста фон Кацэбу «Der Trunkenbold» (Азёрная чаша), ажыццёўленай Петэрам Андрэасам Іаганам Штэйнсбергам.

23 мая 1910 года адбылося ўскладанне краевугольнага каменя ў будаўніцтва новага тэатральнага будынка. Урачыстае адкрыццё адбылося 22 кастрычніка 1911 года. У якасці першага прадстаўлення ў ім была пастаўлена п’еса «Libahunt» (Пярэварацень), напісаная эстонскім драматургам Аўгустам Кіцбергам.

23 лютага 1918 года з балкона тэатра была абвешчана Дэкларацыя незалежнасці Эстоніі за дзень да яе абвяшчэння ў Таліне.

Тэатр згарэў ад пажару ў 1944 годзе, а яго руіны, якія выкарыстоўваліся ў якасці складскіх памяшканняў, былі ўзарваныя ў 1961 годзе. Новы будынак быў узведзены ў 1967 годзе ў азнаменаванне 50-годдзя Кастрычніцкай рэвалюцыі. 3 лістапада 1967 года была паказана п’еса Аўгуста Якабсона «Барацьба без лініі фронту». Галоўная зала новага тэатра ўмяшчала 600 месцаў, мела паваротную сцэну, у будынку меліся прасторныя рэпетыцыйныя залы.

З 1953 года па 1987 год тэатр насіў назву «Пярнускі драматычны тэатр імя Л. Койдула». У 1988 годзе тэатру вярнулі ранейшае імя — «Эндла».