Энрыка Данаці
Энрыка Данаці (іт.: Enrico Donati; 1909, Мілан — 2008, Манхэтэн, Нью-Ёрк) — амерыканскі мастак і скульптар — сюррэаліст італьянскага паходжання.
| Энрыка Данаці | |
|---|---|
| Дата нараджэння | 19 лютага 1909[1][2][…] |
| Месца нараджэння | |
| Дата смерці | 25 красавіка 2008[3][4][…] (99 гадоў) |
| Месца смерці | |
| Грамадзянства | |
| Род дзейнасці | мастак, скульптар, ілюстратар, вырабнік |
| Мастацкі кірунак | абстрактны экспрэсіянізм |
_crowned.svg){kind=small}
Біяграфія і творчасць правіць
Энрыка Данаці вывучаў эканоміку ў Павіі, ва ўніверсітэце дэльі Студзі. У 1934 годзе ён едзе ў ЗША, дзе паступіў у Новую школу сацыяльных даследаванняў (New School for Social Research), а таксама ў нью-ёркскую Студэнцкую мастацкую лігу. Першая персанальная выстава мастака адбылася ў Нью-Ёрку ў 1942 годзе, у Новай школе сацыяльных даследаванняў і ў галерэі Паседуа. Ужо ў гэты час у творчасці Э. Данаці выразна вызначыўся ўплыў сюррэалізму. Ён сустракаўся з Андрэ Брэтонам, падтрымліваў пастаянны кантакт з Марселем Дзюшанам і іншымі еўрапейскімі мастакамі-сюррэалістамі ў Нью-Ёрку. Тыповым творам гэтага перыяду для Данаці з’яўляецца палатно Агні Св. Эльма (St Elmo’s Fire) (1944, цяпер у Нью-Ёркскім музеі сучаснага мастацтва), якое дае сюррэалістычнае бачанне падводнага жыцця.
Э. Данаці з’яўляецца адным з арганізатараў Міжнароднай выставы сюррэалізму ў Парыжы летам 1947 года, дзе таксама выстаўляў свае палотны і дзве скульптуры. У канцы 1940-х гадоў Данаці паступова пераходзіць ад сюррэалізму да канструктывізму, адштурхваючыся ад апошняга — захапляецца каліграфічным стылем. Творчасць Э. Данаці ў гэты перыяд збліжаецца са сацыялізмам, распрацаваным Лючыа Фантата. У 1950-я гады мастак пачынае эксперыменты з паверхняй і структурай палатна, з фарбамі (напрыклад, змешвае іх з пылам). Кульмінацыяй гэтай творчасці становіцца серыя прац Месяцовыя ўзгоркі (Moonscapes), у якой адчуваецца ўплыў Жана Дзюбюфэ. У 1961 годзе праходзіць вялікая выстава твораў Э. Данаці ў Музеі прыгожых мастацтваў Бруселя, перасоўная яго экспазіцыя дэманструецца ў розных гарадах ЗША. У 1962—1972 гадах мастак чытае лекцыі па сучасным мастацтве ў Ельскім універсітэце.
Зноскі
- ↑ Delarge J. Enrico DONATI // Le Delarge — Paris: Gründ, Jean-Pierre Delarge, 2001. — ISBN 978-2-7000-3055-6
- ↑ Enrico Donati // Donati, Enrico // Grove Art Online / J. Turner — [Oxford, England], Houndmills, Basingstoke, England, New York: OUP, 2017. — ISBN 978-1-884446-05-4 — doi:10.1093/GAO/9781884446054.ARTICLE.T023266
- ↑ http://www.nytimes.com/2008/04/26/arts/26donati.html?ref=obituaries
- ↑ Enrico Donati // Benezit Dictionary of Artists — OUP, 2017. — ISBN 978-0-19-977378-7 — doi:10.1093/BENZ/9780199773787.ARTICLE.B00052649
- ↑ Museum of Modern Art online collection Праверана 4 снежня 2019.