Юрый Мікалаевіч Чарванёў

Юрый Мікалаевіч Чарванёў (нар. 15 студзеня 1958, Баранавічы) — беларускі спартсмен па лёгкай атлетыцы (бар’ерны бег), майстра спорту СССР міжнароднага класа. Вучань заслужанага трэнера і настаўніка Беларусі Уладзіміра Радчанкі.

Лёгкая атлетыка
Юрый Мікалаевіч Чарванёў
Пол мужчынскі пол
Спецыялізацыя 60 metres hurdles[d]
Нарадзіўся 15 студзеня 1958(1958-01-15) (66 гадоў)
Грамадзянства
Альма-матар
Рост 187 см

Біяграфія правіць

Скончыў сярэднюю школу (цяпер — гімназія № 4 г. Баранавічы) i паступiў у Беларускi iнстытут фiзiчнай культуры. Пасля атрымання дыплома ў 1979 годзе працаваў інструктарам Мінскага абласнога савета фізкультурна-спартыўнага аб’яднання «Дынама».

Пасля траўмы i працяглага лячэння давялося пакiнуць лёгкую атлетыку. Зацiкавiўся бiльярдным спортам, пачаў арганiзоўваць чэмпiянаты па бiльярдзе. У 1984—1996 гадах — трэнер каманды спартыўнага таварыства «Дынама». З 2001 года — старшыня судзейскай калегіі міжнароднага камітэта па «Пірамідзе» (більярдны спорт).

З’яўляецца арбітрам міжнароднай катэгорыі па більярднаму спорту, неаднаразова прызначаўся галоўным суддзёй сусветных і кантынентальных форумаў па гэтым віду спорту.

Дасягненні правіць

У 1980 годзе стаў чэмпіёнам Еўропы ў закрытых памяшканнях (г. Зіндэльфінген, Германія). Двойчы (1980, 1981) быў чэмпіёнам СССР па бегу на 60 і 110 метраў з бар’ерамі. З’яўляецца рэкардсменам Еўропы i свету (1977, 1980). Свой лепшы вынік Юрый Чарванёў паказаў у 1980 годзе — 7,54 секунды. На Алімпіядзе ў маскоўскіх Лужніках з-за застарэлай траўмы заняў толькі 8-е месца.

Зноскі

Літаратура правіць

  • Черванёв Юрий Николаевич // Спортивная энциклопедия Беларуси. Минск, 2005. С. 470.
  • Чарванёў Юрый Мікалаевіч // Беларуская энцыклапедыя : у 18 т. Мінск, 2003. Т. 17. С. 224.
  • Черванёв, Ю. У меня все игроки — любимые / Юрий Черванёв; беседовала Ирина Полевая // Бильярдный мир. 2009. № 1 (21), 3 нояб.
  • Колосова, Е. Барановичи — малая родина больших людей / Елена Колосава // Шаг (Барановичи). 2007. № 17. С. 7.