ARCHE Пачатак
ARCHE Пачатак — беларускі незалежны, літаратурна-мастацкі, навукова-папулярны і грамадска-палітычны часопіс, у якім друкуюцца дзясяткі беларускіх інтэлектуалаў. З’яўляецца адным з двух беларускіх выданняў, запрошаных у сетку еўрапейскіх часопісаў «Eurozine». Выдаецца з верасня 1998 года, рэдактар — Аляксандр Пашкевіч. Выдаецца на беларускай мове.
| «ARCHE Пачатак (вым. Архэ Пачатак)» | |
|---|---|
| Тып | часопіс |
| Краіна |
 Беларусь |
| Галоўны рэдактар | Аляксандр Пашкевіч |
| Заснавана | 1998 |
| Тэматыка | аналітыка, крытыка, эсэістыка, гісторыя, літаратура, рэцэнзіі |
| Мова | беларуская |
| Перыядычнасць | штомесячнік |
| Галоўны офіс | ARCHE, а/c 3, 220018, Мінск-18 |
| ISSN | 1392-9682 |
| Вэб-сайт | arche.by |
Цэнзура ў Беларусі
правіць25 лютага 2009 года суд Маскоўскага раёна горада Брэста прызнаў экстрэмісцкім № 7-8 часопіса. У сувязі з гэтым міжнародная арганізацыя «Рэпарцёры без межаў» адзначыўшы, што адміністрацыйны і судовы пераслед часопіса «ARCHE» пачаўся ад моманту яго стварэння ў 1997 годзе, заявіла, што «гэты выпадак з’яўляецца благім прадвесцем для прагрэсу ў галіне свабоды прэсы, на які мы спадзяваліся».
У сувязі з судовым пераследам В. Булгакаў быў вызвалены ад пасады рэдактара, каб выратаваць часопіс.
Галоўныя рэдактары
правіць- Валерый Булгакаў (1998—2012)
- Аляксандр Пашкевіч (в. а., 2012 — ц. ч.)[1][2]