Dana Mall
«Dana Mall» («Дана Мол») — гандлёва-забаўляльны цэнтр у Мінску. Найбуйнейшы дзеючы ГЗЦ у Беларусі.
Dana Mall | |
---|---|
Размяшчэнне | Беларусь, Мінск |
Адрас | вул. Пятра Мсціслаўца, 11 |
Дата адкрыцця | 27 студзеня 2017 |
Вэб-сайт | dana-mall.com |
Гісторыя
правіцьПабудаваны ў 2016 годзе ў рамках узвядзення жылога комплексу «Маяк Мінска». Праект рэалізаваны сумесным таварыствам з абмежаванай адказнасцю «Белинте-Роба»[1], якое ўваходзіць у групу кампаній Dana Holdings[2].
2 лістапада 2016 года адкрыліся для пакупнікоў гіпермаркет гандлёвай сеткі Green і падземны паркінг[3]. Урачыстая цырымонія адкрыцця ўсяго комплексу, у якой прынялі ўдзел кіраўнікі ўрадаў Беларусі і Сербіі Андрэй Кабякоў і Аляксандр Вучыч, адбылася 27 студзеня 2017 года[4].
Апісанне
правіцьВонкавыя выявы | |
---|---|
ГЗЦ «Dana Mall» | |
Фасад ГЗЦ | |
Экстэр’ер у цёмны час сутак | |
Навагодні інтэр’ер |
Доўгі чырвона-зялёны фасад «Дана Мол» з крывалінейнай паверхняй[1] выцягнуты ўздоўж праспекта Незалежнасці. Трохпавярховы гандлёва-забаўляльны цэнтр, маючы агульную плошчу 97 тысяч м², з’яўляецца самым вялікім у Беларусі[5]. Акрамя крам, маецца фудкорт, дзіцячы забаўляльны цэнтр, кінатэатр, трэнажорная зала[6].
Крытыка
правіцьБеларускі партал Onliner.by уключыў гандлёва-забаўляльны цэнтр у свой спіс дзесяці горшых сучасных будынкаў горада Мінска[7]. Як адзначала доктар мастацтвазнаўства Ала Шамрук, прамалінейная сімволіка і каларыстычнае рашэнне збудавання разбурылі сімвалічнае значэнне ансамбля 1970-х гадоў, які выступаў у якасці «ўязной брамы» беларускай сталіцы[8].
Заўвагі
правіць- ↑ а б Антоненко и др. 2020.
- ↑ Застройка Октябрьской площади в Минске: бизнес-апартаменты, бутики и панорамный ресторан . БЕЛТА (29 снежня 2016). Праверана 31 студзеня 2024.
- ↑ Лора Нагапетян. Dana Mall оживает. Сегодня на первом этаже торгового центра заработал гипермаркет Green . Onliner.by (2 лістапада 2016). Праверана 31 студзеня 2024.
- ↑ Николай Градюшко. В Минске торжественно открыли Dana Mall. Как выглядит торговый центр внутри сегодня . Onliner.by (27 студзеня 2017). Праверана 28 студзеня 2024.
- ↑ ТОП-10 крупнейших торговых центров Беларуси . belretail.by (8 жніўня 2021). Праверана 30 студзеня 2024.
- ↑ Локотко 2021, с. 81.
- ↑ darriuss. Красавцы и чудовища: топ лучших и худших современных зданий Минска . Onliner.by (6 студзеня 2017). Праверана 28 студзеня 2024.
- ↑ Шамрук 2023, с. 150.
Літаратура
правіць- Локотко А. И. «В музыке летящих ракет...»: (космос в зеркале авангардной архитектуры) = "The music of rockets rushing into the sky...": (the cosmos in the mirror of avant-garde architecture). — Минск: Беларуская навука, 2021. — 94 с. — ISBN 978-985-08-2689-3.
- Республика Беларусь – 25 лет созидания и свершений. В 7 т. / М. Н. Антоненко [и др.] ; редсовет: В. П. Андрейченко [и др.]. — Минск: Беларуская навука, 2020. — Т. 4. Агропромышленный комплекс. Архитектура и градостроительство. Беларусь на мировой арене. — 733 с. — ISBN 978-985-08-2534-6.
- Шамрук А. С. Искусство архитектуры информационной эпохи / Национальная академия наук Беларуси, Центр исследований белорусской культуры, языка и литературы, филиал «Институт искусствоведения, этнографии и фольклора имени Кондрата Крапивы». — Минск: Беларуская навука, 2023. — 269 с. — ISBN 978-985-08-2957-3.