Indela-6

Indela-6 — беларускі беспілотны лятальны апарат, распрацаваны ТАА «КБ Індэла».

Indela-6
Тып	беспілотны лятальны апарат
Распрацоўшчык	ТАА «КБ Індэла»
Першы палёт	2008
Эксплуатанты	Беларусь
Варыянты	Indela-6M

Апісанне

Узлёт і пасадка ажыццяўляецца па самалётнаму. У аварыйных выпадках пасадка можа ажыццяўляцца з выкарыстаннем парашута. Інфармацыя з борта БПЛА перадаецца па радыёканале на наземную станцыю кіравання (НСК), і дадаткова запісваецца на бартавы назапашвальнік. Кантроль над беспілотнікам ажыццяўляецца пры дапамозе НСК, якая ўключае ўсе патрэбныя для кіравання палётам кампаненты і абсталяванне. НСК даволі мабільная. Для транспарціроўкі усталёўваецца ў спецыяльны транспартны кантэйнер. Па жаданні заказчыка канструкцыя дрона можа нарошчваць колькасць пілатажна-навігацыйнага абсталявання і пашыраць вобласці прымянення комплексу.

Функцыянал

Асноўнае функцыянальнае прызначэнне — дыстанцыйнае назіранне і перадача відэаінфармацыі ў рэжыме рэальнага часу на НСК.

«Indela-6» можа прыцягвацца да рознага роду дзейнасці, у тым ліку:

• маніторынг месцаў пажараў, тэхнагенных здарэнняў, паводак, масавых беспарадкаў і тэрарыстычных пагроз;
• ажыццяўленне пошукавых работ;
• правядзенне аэраздымкі мясцовасці;
• агляд ліній трубаправодаў і электраперадач, выяўленне пашкоджанняў і дэфектаў;
• выкананне паветранай разведкі;
• ажыццяўленне ахоўных мерапрыемстваў закрытых аб’ектаў і вялікіх тэрыторый;
• сачэнне за рухомымі мэтамі.

Характарыстыкі

Карысная нагрузка складае 35 кг. Беспілотнік можа развіваць максімальную хуткасць да 140 км/г. Практычная столь — 4 км, а радыус дзеяння не перавышае 50 км. Арыгінальная версія здольна працаваць да 1,5 гадзін, а мадыфікацыі «Indela-6M» — да 7—10.