Nissan Juke
Nissan Juke — кампактны красовер Nissan. Выпускаецца з 2010 года.
Для еўрапейскага рынку вырабляецца на заводзе ў Сандэрлендзе (Вялікабрытанія). Машыны для іншых рынкаў, а таксама паўнапрывадныя аўтамабілі выпускаюцца на заводзе ў Японіі.
Першае пакаленне (2010–2019)Правіць
.JPG)
.JPG)
Аўтамабіль быў створаны на аснове канцэпта Qazana, прадстаўленага на Міжнародным аўтасалоне ў Жэневе ў 2009 годзе. Канцэпт быў цёпла прыняты публікай, і стаў прататыпам серыйнага аўтамабіля, які атрымаў назву Juke і заняў сваё месца ў мадэльным шэрагу паміж хэтчбэкам Note і красоверам Qashqai. Дэбют адбыўся на Жэнеўскім аўтасалоне 2010 года.
У сакавіку 2014 года на Жэнеўскім аўтасалоне быў прадстаўлены абноўлены Juke[1]. У пярэдняй частцы змянілася форма фараў, дызайн кратаў радыятара стаў V-падобным. З'явіліся новыя заднія ліхтары, у карпусах вонкавых люстэркаў — з'явіліся святлодыёдныя індыкатары павароту, габарытныя агні атрымалі форму «бумеранга». Задні бампер займеў больш агрэсіўную форму.
У маторным шэрагу з'явіўся новы чатырохцыліндравы рухавік 1.2 (115 к.с.), які прыйшоў на замену рухавіку 1,6 л, магутнасцю 117 к.с. У 190-моцнага бензінавага турбаматора 1,6 DIG-T павялічылі ступень сціску з 9,5 па 10,5, паднялі крутоўны момант і ўсталявалі сістэму рэцыркуляцыі адпрацаваных газаў з вадкасным ахалоджваннем. Акрамя таго аўтамабіль атрымаў палепшаную апцыянальную паўнапрывадную трансмісію са зменным вектарам цягі, а таксама ўдасканаленую сістэму актыўнай бяспекі Safety Shield.
Шэраг дадатковага аснашчэння дапоўніў вялікі шкляны люк і мадэрнізаваны мультымедыйны комплекс Nissan Connect, з навігатарам апошняга пакалення. Для некаторых камплектацый стала даступаная сістэма кругавога агляду Arround View Monitor з дынамічнай разметкай. У версіях з пярэднім прывадам павялічыўся аб'ём багажніка.
Вытворчасць абноўленага Juke пачалася ў чэрвені 2014 года[2].
17 ліпеня 2018 года з канвеера сышоў мільённы Juke выраблены заводам ў Сандэрлендзе ў Вялікабрытаніі. Юбілейным стаў аўтамабіль блакітнага колеру «Vivid Blue» і ў камплектацыі LE + Perso[3].
Juke NismoПравіць
У верасні 2012 года на Парыжскім аўтасалоне дэбютаваў Juke Nismo, падрыхтаваны спартыўным падраздзяленнем Nissan.
На аўтамабіле ўсталяваны рухавік 1,6 DiG-T, магутнасць якога павялічана да 200 к.с. Juke Nismo таксама мае новыя налады падвескі і рулявога кіравання. Калянасць спружын на мадыфікацыях з пярэднім прывадам была павялічана на 10%, а на паўнапрывадных — на 15%.
Juke Nismo таксама адрозніваецца наяўнасцю дадатковай аэрадынамічнай абвісі, якая ўключае пашыраныя колавыя аркі, змененыя пярэдні і задні бамперы, дыфузар, накладкі на парогі кузава, спойлер на задняй дзверы і 18-цалевыя дыскі з лёгкага сплаву. Колеравая палітра прадстаўлена трыма адценнямі: белым Storm White, чорным Pearl Black і серабрыстым Blade Silver. Корпусы вонкавых люстэркаў пры гэтым афарбаваныя ў чырвоны колер.
У салоне — аздобленыя замшай сядзенні з чырвонай прастрочкай і развітой бакавой падтрымкай, а таксама руль аздоблены алькантарай.
Juke Nismo RSПравіць
Разам з абноўленым Juke на Жэнеўскім аўтасалоне 2014 года была таксама прадстаўлена мадыфікацыя Juke Nismo RS.
Nismo RS мае пераналаджаныя выпускную сістэму і рулявое кіраванне, мадэрнізаваныя спружыны і амартызатары, узмоцненыя мацаванні ніжніх рычагоў пярэдніх стоек, больш трывалыя тармазныя механізмы (спераду дыяметр дыскаў павялічаны з 296 да 320 міліметраў, а дыскі ззаду сталі вентыляваныя). Чатырохцыліндравы турбарухавік 1.6 DiG-T за кошт адрозных электроннага блока кіравання і выхлапной сістэмы фарсіраваны да 218 к.с. (у версіі з варыятарам магутнасць павялічылася да 214 сіл[4]). Для машын з 6-ступеністай МКП рухавік атрымаў таксама ўзмоцненыя шатуны і дзвюхмасавы махавік.
Аснашчэнне Nismo RS адрозіваецца сядзеннямі Recaro з камбініраваным аздабленнем скурай і замшай, ксенонавымі фарамі, сістэмай кругавога відэаагляду, комплексам бяспекі Nissan Safety Shield, а таксама 18-цалевымі колавымі дыскамі.
Juke-RПравіць
.jpg)
У 2011 годзе брытанская інжынірынгавая фірма Ray Mallock Ltd., якая вырабляе абсталяванне для мотаспорту, і Еўрапейскі тэхнічны цэнтр Nissan (NTC-E) прадставілі прататып Juke-R[5].
У аснове аўтамабіля шасі і сілавы агрэгат ад Nissan GT-R: падвеска (спераду на падвойных папярочных рычагах, ззаду — шматрычаговая), 3,8-літровы шасціцыліндравы турбарухавік магутнасцю 485 конскіх сіл, выпускная і тармазная сістэмы, шасціступеністая рабатызаваная каробка перадач з двума счапленнямі і сістэма поўнага прывада. Гэта дазваляе аўтамабілю паскарацца да 100 км / г усяго праз 3,7 секунды пасля старту. Максімальная хуткасць — 257 км / г.
Першапачаткова планавалася пабудаваць толькі два асобнікі Juke-R (з левым і правым рулём), якія выкарыстоўваліся б выключна ў якасці шоу-караў. Аднак цікавасць з боку кліентаў заахвоцілі выпусціць мадэль абмежаваным накладам[6].
Таварны варыянт атрымаў 545-моцны рухавік. Максімальная хуткасць таварнай версіі — 275 км / г.
Infiniti ESQПравіць
У жніўні 2014 года дэбютавала версія Juke, прадстаўленая спецыяльна для рынка Кітая. Аўтамабіль выйшаў на тамтэйшы рынак пад маркай Infiniti ESQ[7].
Аўтамабіль з'яўляецца ператвораным Juke Nismo і мае такі ж самы 1,6-літровы турбарухавік магутнасцю 200 к.с., варыятар і сістэму поўнага прываду. Пры гэтым, Infiniti ESQ мае іншыя краты радыятара з шыльдзікам ESQ, храмаваныя ўстаўкі на кузаве, а таксама вялікія 18-цалевыя колавыя дыскі іншага дызайну. У салоне выкарыстаны больш дарагія матэрыялы аздаблення і ўсталяваны іншы руль.
КанструкцыяПравіць
Аўтамабіль пабудаваны на дапрацаванай пад красовер платформе "B" альянса Renault-Nissan, агульнай з Renault Clio, Nissan Cube і Nissan Micra.
РухавікіПравіць
1.6Правіць
| 1.6 | 1.6 | |
|---|---|---|
| Мадэль | HR16DE | |
| Рухавік | Бензінавы, 4-цыліндравы, радны | |
| Аб'ём, см³ | 1598 | |
| Магутнасць пры аб/хв |
69 кВт (94 к.с.) пры 5400 аб / хв |
86 кВт (117 к.с.) пры 6000 аб / хв |
| Макс. крутоўны момант пры аб/хв |
140 Н·м пры 3200–4400 аб / хв |
158 Н·м пры 4000 аб / хв |
| Каробка перадач | 5-ступеністая, механічная | 5-ступеністая, механічная аўтаматычная |
| Прывад | пярэдні | |
| Экалагічны клас | Еўра 5 | |
| Падрыхтаваная маса, кг | 1140–1215 | |
| Дазволеная маса, кг | 1645–1675 | |
| Макс. хуткасць, км/г | 215 | |
| Паскарэнне ад 0 да 100 км/г, с | 12,0 | 11,0 |
| Выдатак паліва, л/100 км горад / шаша / сярэдні |
7,6 / 5,0 / 6,0 | 7,7 / 5,1 / 6,0 |
| Курсівам — опцыя | ||
1.6 DIG-TПравіць
| 1.6 DIG-T | 1.6 DIG-T nismo | |
|---|---|---|
| Мадэль | MR16DDT | |
| Рухавік | Бензінавы, 4-цыліндравы, радны, з турбанаддзіманнем | |
| Аб'ём, см³ | 1618 | |
| Магутнасць пры аб/хв |
140 кВт (190 к.с.) пры 5600 аб / хв |
147 кВт (200 к.с.) пры 6000 аб / хв |
| Макс. крутоўны момант пры аб/хв |
240 Н·м пры 2000–5600 аб / хв |
250 Н·м пры 2400–4800 аб / хв |
| Каробка перадач | 6-ступеністая, механічная аўтаматычная | |
| Прывад | пярэдні, поўны | |
| Экалагічны клас | Еўра 5 | |
| Падрыхтаваная маса, кг | 1250–1275 | |
| Дазволеная маса, кг | 1735–1860 | |
| Макс. хуткасць, км/г | 215 | |
| Паскарэнне ад 0 да 100 км/г, с | 8,0 | 7,8 |
| Выдатак паліва, л/100 км горад / шаша / сярэдні |
9,1 / 5,6 / 6,9 | |
| Курсівам — опцыя | ||
1.5 dCiПравіць
| 1.5 dCi | |
|---|---|
| Мадэль | К9К |
| Рухавік | Дызель, 4-цыліндравы, радны, з турбанаддзіманнем |
| Аб'ём, см³ | 1461 |
| Магутнасць пры аб/хв |
81 кВт (110 к.с.) пры 4000 аб / хв |
| Макс. крутоўны момант пры аб/хв |
240 Н·м пры 1750 аб / хв |
| Каробка перадач | 6-ступеністая, механічная |
| Прывад | пярэдні |
| Экалагічны клас | Еўра 5 |
| Падрыхтаваная маса, кг | 1254-1285 |
| Дазволеная маса, кг | 1765 |
| Макс. хуткасць, км/г | 175 |
| Паскарэнне ад 0 да 100 км/г, с | 11,2 |
| Выдатак паліва, л/100 км горад / шаша / сярэдні |
4,8 / 3,9 / 4,2 |
1.2 DIG-TПравіць
| 1.2 DIG-T | |
|---|---|
| Мадэль | HR12DDT |
| Рухавік | Бензінавы, 4-цыліндравы, радны, з турбанаддзіманнем |
| Аб'ём, см³ | 1197 |
| Магутнасць пры аб/хв |
85 кВт (115 к.с.) пры 4500 аб / хв |
| Макс. крутоўны момант пры аб/хв |
190 Н·м пры 2000 аб / хв |
| Каробка перадач | 6-ступеністая, механічная |
| Прывад | пярэдні |
| Экалагічны клас | Еўра 5 |
| Падрыхтаваная маса, кг | |
| Дазволеная маса, кг | |
| Макс. хуткасць, км/г | 178 |
| Паскарэнне ад 0 да 100 км/г, с | 10,8 |
| Выдатак паліва, л/100 км горад / шаша / сярэдні |
6,9 / 4,9 / 5,6 |
Трансмісія і хадавая часткаПравіць
Каробкі перадач — 5- ці 6-ступеністая механічныя, альбо клінараменны варыятар.
Поўны прывад — з падлучальнымі па-асобку левым і правым заднімі коламі. Падключэннем кіруюць два пакеты фрыкцыёнаў, устаноўленыя на абедзвюх паўвосях задняга прывада. Даступны толькі ў камбінацыі з турбарухавіком і варыятарам.
Пярэдняя падвеска — незалежная, тыпу «Макферсан». Ззаду — пругкая папярочная бэлька на пярэднепрывадных машынах альбо шматрычаговая на мадыфікацыях з поўным прывадам.
БяспекаПравіць
| Вынікі тэсту Euro NCAP, 2011[8] | 
| |
|---|---|---|
| Балы | % | |
 Бяспека дарослых пасажыраў
|
31,5 | 87% |
 Бяспека пасажыраў-дзяцей
|
39,7 | 81% |
 Бяспека пешаходаў
|
14,7 | 41% |
 Актыўная бяспека
|
5 | 71% |
| Пратэставаны аўтамабіль — Nissan Juke 1.6 Acenta | ||
Стандартнае абсталяванне аўтамабіля ўключае тармазную сістэму з ABS, сістэмай-асісітэнтам тармажэння Nissan Brake Assist і сістэмай рамеркавання тармазных высілкаў (EBD); сістэму стабілізацыі (ESP), пярэднія і бакавыя падушкі бяспекі, рамяні бяспекі з пераднацягам і сігналізатарам непрышпіленых рамянёў для пярэдніх сядзенняў.
Па выніках краш-тэстаў паводле методыкі Euro NCAP аўтамабіль атрымаў за бяспеку пяць зорак[8].
Амерыканскі страхавы інстытут IIHS таксама ацаніў як «добры» узровень бяспекі аўтамабля, прадэманстраваны пры франтальным удары з умеранным перакрыццём (40%), бакавым сутыкненні, праверцы на пераварот і ўдары ззаду[9]. І толькі за краш-тэст на франтальны ўдар з малым перакрыццём (25%) аўтамабіль атрымаў адзнаку «кепска»[10] — сілавая структура кузава была моцна парушана.
Другое пакаленне (з 2019-га)Правіць
Выпуск на заводзе ў Сандэрлендзе пачаўся 10 кастрычніка 2019 года[11].
Красовер другога пакалення створаны на модульнай платформе CMF-B. Базавая версія мае трохцыліндравы турбарухавік 1.0 DIG-T. Рухавік развівае магутнасць 117 к.с. і агрэгатуецца з шасціступеньчатай «механікай» або сяміступеньчатым «робатам» з двума счапленнямі.
БяспекаПравіць
Зноскі
- ↑ В Женеве дебютировал обновленный Nissan Juke // За рулём (руск.)
- ↑ В Англии началось производство обновленного Nissan Juke // За рулём (руск.)
- ↑ One millionth Juke built at Nissan Sunderland Plant // newsroom.nissan-europe.com (англ.)
- ↑ У рестайлингового Nissan Juke появился 218-сильный вариант // motor.ru (руск.)
- ↑ Juke-R разогнался до сотни за 3,7 секунды // За рулём (руск.)
- ↑ "Заряженный" Nissan Juke-R выпустят ограниченной серией // motor.ru (руск.)
- ↑ Nissan Juke приехал в Китай под видом Infiniti ESQ // За рулём (руск.)
- ↑ 8,0 8,1 http://www.euroncap.com/en/results/nissan/juke/10987
- ↑ Nissan Juke crashworthiness // www.iihs.org (англ.)
- ↑ Nissan Juke Small overlap front // www.iihs.org (англ.)
- ↑ Дайджест дня: новый Juke на конвейере, Corvette для скорой помощи и другие события индустрии // autoreview.ru (руск.)
- ↑ http://www.euroncap.com/en/results/nissan/juke/39679
ВідэаПравіць
СпасылкіПравіць
На Вікісховішчы ёсць медыяфайлы па тэме Nissan Juke- Жесткокрылый // Авторевю (руск.)
- Слоеный // motor.ru (руск.)
