Nissan

Nissan Motor Co., Ltd.
Nissan Motor Co., Ltd.
Тып	публічная кампанія
Лістынг на біржы	NASDAQ: NSANY, TYO: 7201.T
Заснаванне	1933
Заснавальнікі	Yoshisuke Aikawa[d], Den Kenjirō[d] і William R. Gorham[d]
Размяшчэнне	Японія: Іакагама
Ключавыя фігуры	Карлас Гон (прэзідэнт і старэйшы выканаўчы дырэктар)
Галіна	Аўтамабілебудаванне
Прадукцыя	Легкавыя і камерцыйныя аўтамабілі
Абарот	▲ $94,62 млрд (2007 год)
Аперацыйны прыбытак	▲ $6,91 млрд (2007 год)
Чысты прыбытак	▲ $4,22 млрд (2007 год)
Актывы	▲18 746 901 000 000 ¥ (31 сакавіка 2018);
Колькасць супрацоўнікаў	159,8 тыс. чалавек (2005 год)
Матчына кампанія	Renault S.A.
Даччыныя кампаніі	Jatco[d], Nissan Motor Car Carrier[d], Calsonic Kansei[d], Renault Nissan Automotive India Private Limited[d], Nissan Motor Manufacturing UK[d], Nissan North America[d], Nismo[d], Nissan Shatai[d], Nissan Motor Kyushu[d], Aichi Machine Industry[d], Nissan Kohki[d], Automotive Energy Supply Corporation[d], NISSAN TRADING CO., LTD.[d], Nissan Financial Services[d], AutoTechnicJapan CO.,LTD[d], Nissan Network Holdings[d], Nissan Car Rental Solutions[d], Nissan Motor Ibérica[d], Nissan New Zealand[d], Nissan Motor Indonesia[d], Infiniti і Nissan France[d]
Сайт	www.nissan.ru

Nissan Motor Co., Ltd. (яп.: 日産自動車株式会社, — японская кампанія, другі па велічыні аўтавытворца ў Японіі пасля Toyota. Штаб-кватэра — у Токіа. Плануецца, што да 2010 штаб-кватэра будзе перанесеная ў Ёкагаму.

Уласнікі і кіраўніцтваПравіць

44,4 % акцый кампаніі прыналежаць французскай кампаніі Renault S.A.. Прэзідэнт і старэйшы выканаўчы дырэктар — Карлас Гон.

ГісторыяПравіць

Nissan Model 70

Датай заснавання карпарацыі лічыцца 26 снежня 1933, калі ў выніку зліцця кампаній «Тобата імона» і «Ніхон саньё» была створаная новая кампанія, якая з 1 чэрвеня 1934 г. носіць назву «Нісан мотар» (па першых літарах назвы кампаніі «Ніхон саньё», «Японская прамысловасць»). У маі 1935 кампанія прыняла рашэнне аб развіцці гандлёвай маркі «Нісан». Маленькія машыны па-ранейшаму зваліся Datsun (з 1934 года пад гэтай маркай выпускаўся англійскі Austin 7), а вялікія — Nissan. Першая машына пад назвай Nissan была створана ў 1937 годзе — гэта была Nissan Model 70, які выпускаўся па ліцэнзіі амерыканскай кампаніі Graham-Paige^[3].

Практычна да 1980-х гадах асновай мадэльнага шэрагу кампаніі былі розныя мадыфікацыі аўтамабіляў «Датсан», якія выпускаліся яшчэ да стварэння кампаніі (у 1983 годзе, гэтая марка перастала існаваць).

У 1958 годзе пачаліся пастаўкі аўтамабіляў у ЗША, а ў 1964годзе «Нісан» стала першай японскай кампаніяй, якая ўвайшла ў дзясятку найбуйных аўта-імпарцёраў у ЗША. У 1962 годзе пачаліся пастаўкі аўтамабіляў у Еўропу.

Першая замежная зборачная вытворчасць «Нісан» была адчынена ў 1959 на Тайвані, цяпер замежная вытворчасць «Нісан» разгорнута ў 20 краінах. Першы еўрапейскі завод быў пабудаваны ў Вялікабрытаніі, у горадзе Сандэрленд. Выбар месца быў абумоўлены вялікай колькасцю патэнцыйных супрацоўнікаў, якія страцілі працу на вугальных шахтах, размешчаных у гэтым раёне. Кантракт на выдзяленне пляцоўкі для будаўніцтва быў падпісаны ў 1984 годзе, а сам завод быў афіцыйна адкрыты 8 верасня 1986 года пры ўдзеле тагачаснай прэм'ер-міністра Маргарэт Тэтчэр і прэзідэнта Нісана Ютакі Куме. Першым аўтамабілем, вырабленым на заводзе, стаў Nissan Bluebird, а ў дзевяностых пачалася вытворчасць Primera і Micra. Сёння фабрыка працягвае працаваць як Nissan Motor Manufacturing UK і вырабляе мадэлі Qashqai, Juke, Leaf, X-Trail і дзве мадэлі Infiniti: Q30 і QX30^[4].

У сярэдзіне 90-хх гадоў XX стагоддзя кампанія стала перажываць істотныя фінансавыя цяжкасці, з прычыны чаго яе кантрольны пакет у 1999 быў прададзены французскай Renault. Французскай кампаніі прыналежыць 44,4 % акцый «Нісана», а «Нісан» мае 15 % акцый Renault. Пастаўлены Renault на чале Nissan Карлас Гон здолеў увасобіць праграму «Nissan Revival Plan» (NRP) і вывяў кампанію з крызісу, з прычыны чаго здабыў вялікую папулярнасць у Японіі.