Toyota Motor Corporation
Toyota Motor Corporation (TMC, яп.: トヨタ自動車株式会社, або Toyota — найбуйная японская аўтамабілебудаўнічая карпарацыя, таксама падае фінансавыя паслугі і мае некалькі дадатковых кірункаў у бізнесе. Штаб-кватэра — у горадзе Таёта, прэфектура Айты (Японія).
Кампанія Toyota Motor Co., Ltd. (TMC) заснаваная ў 1937 годзе Кііціра Таёда.
Toyota Motor Corporation з’яўляецца асноўным членам Toyota Group. З гэтай кампаніяй у асноўным асацыюецца брэнд Toyota. Лагатып кампаніі адлюстроўвае стылізаваную ткацкую завесу і звязаны з тым, што сваю дзейнасць кампанія пачынала з выпуску аўтаматычных ткацкіх станкоў.
Toyota мае лістынг акцый у Лонданскай фондавай біржы, Нью-Ёркскай фондавай біржы і Такійскай фондавай біржы.
Кіраўніцтва
правіцьЗ красавіка 2023 года генеральным дырэктарам з’яўляецца Кодзі Сато. Яго папярэднік, унук заснавальніка кампаніі, Акіо Таёда перайшоў на пасаду старшыні праўлення[8].
Дзейнасць
правіцьКампанія выпускае пасажырскія, грузавыя аўтамабілі і аўтобусы пад брэндамі Toyota, Lexus, Scion, Daihatsu, Hino.
У 2022 годзе Toyota прадала 10 483 024 аўтамабілі, стаўшы, такім чынам, першым вытворцам у свеце па колькасці прададзеных машын[9]. Красовер Toyota RAV4 стаў самай папулярнай мадэллю[10].
У 1935—2023 гады было выраблена 300 мільёнаў аўтамабіляў. З гэтага ліку на сваіх айчынных заводах выпусцілі крыху больш за 180 мільёнаў аўтамабіляў, а за межамі Японіі — амаль 120 мільёнаў. Найбольш папулярнай мадэллю з’яўляецца «Corolla» (у мадэльным шэрагу з 1966 года), якіх было зроблена 53,39 мільёна адзінак[11].
Дэвізы кампаніі па краінах
правіць
Drive Your Dreams
(і краіны Паўднёваўсходняй Азіі) Moving Forward- (іспанамоўны) Avanza Confiado
Maneja Confiado
Today. Tomorrow. Toyota
Oh What a Feeling!
Nic neni nemozne
Nichts Ist Unmoglich
(і краіны Цэнтральнай Амерыкі) Avancemos Juntos
Moviendo Vidas
англ.: Make Things Better, фр.: Faire Toujours Mieux
Lead the Way
Ve Mas Alla
Управляй мечтой
Управляй мечтой
Вытворчыя пляцоўкі
правіцьУ Японіі
правіцьМотамачы
правіцьЗавод быў адкрыты ў 1959 годзе, а ў пачатку наступнага года пачаў вытворчасць Corona і Publica, перанесеных сюды з іншых заводаў. Аднак пазней стала наадварот: вытворчасць новых мадэляў пачыналася на гэтым заводзе, а затым пераносіліся на іншыя[12].
| Пачатак дзейнасці | 1959 |
|---|---|
| Лакацыя | Таёта, Айты, Японія |
| Агульная плошча | 1 590 000 кв. м. |
| Колькасць супрацоўнікаў | Больш за 4000 + 3500 чалавек у вытворча-інжынерным аддзеле |
| Вытворчая магутнасць | каля 73 000 машын у год |
| Прадукцыя | Toyota Crown, Mirai, GR Yaris, Lexus LC |
Такаока
правіцьДругім заводам пабудаваным у прэфектуры Айты стаў завод «Такаока». Пачаў дзейнасць у верасні 1966 года. Першай выпусканай мадэллю стала першае пакаленне Corolla. Пасля дадаліся іншыя мадэлі, такія як Publica, Sprinter і Tercel.
У 1984 годзе завод адзначыў выпуск 10 мільённага аўтамабіля.
У 1997 годзе быў выпушчаны Prius, праз два гады Vitz. Пасля таксама пачынаюць вырабляць RAV4, у тым ліку гібрыдныя версіі[13].
| Пачатак дзейнасці | 1966 |
|---|---|
| Лакацыя | Таёта, Айты, Японія |
| Агульная плошча | 1 310 000 кв. м. |
| Колькасць супрацоўнікаў | каля 3300 |
| Вытворчая магутнасць | 180 000 машын у год |
| Прадукцыя | Toyota Corolla, Corolla Touring, Corolla Cross, RAV4, Harrier |
Цуцумі
правіцьЦуцумі працуе з 1970 года, будаўніцтва пачалося двума гадамі раней. Гэты завод стаў трэцім у Таёце пасля Мотамачы і Такаока[14].
| Пачатак дзейнасці | 1970 |
|---|---|
| Лакацыя | Таёта, Айты, Японія |
| Агульная плошча | 940 000 кв. м. |
| Колькасць супрацоўнікаў | >5000 |
| Вытворчая магутнасць | 510 000 машын у год |
| Прадукцыя | Toyota Prius, Camry, Premio, Allion, Scion tC |
Міёсі
правіцьЗавод у Міёсі (прэфектура Айты) вырабляе сталёвыя і алюмініевыя кампаненты для рухавікоў і падвесак, дыферэнцыялы і раздатачныя каробкі для паўнапрывадных аўтамабіляў. Пачаў дзейнасць у 1973 годзе. Займае плошчу 570 000 кв. м.; колькасць супрацоўнікаў — каля 1 600 чалавек; вытворчая магутнасць — 50 000 чыгунных блокаў, 30 000 алюмініевых блокаў, 1 000 000 дыферэнцыялаў і 70 000 раздатак у год[15].
У Еўропе
правіцьФранцыя
правіцьПабудова пачалася ў 1999 годзе і ў 2001-м стартавала вытворчасць Toyota Yaris і Toyota Yaris Verso. З гэтага часу тут выпускаліся ўсе наступныя пакаленні Yaris, у тым ліку гібрыдныя мадыфікацыі[16].
| Пачатак дзейнасці | 2001 |
|---|---|
| Лакацыя | Анен, Валансьен, Францыя |
| Агульная плошча | 2 330 000 кв. м. |
| Колькасць супрацоўнікаў | >3700 |
| Вытворчая магутнасць | 270 000 машын у год |
| Прадукцыя | Toyota Yaris, Yaris Cross, Mazda 2 Hybrid |
Чэхія
правіцьУ 2002 годзе было заснавана сумеснае прадпрыемства Toyota-Peugeot Citroën Automotive. У 2005 годзе завод у чэшскім Коліне пачаў вырабляць мадэлі-блізняты Peugeot 107, Citroën C1 і Toyota Aygo. Другое пакаленне было прадстаўлена ў 2014 годзе, Peugeot пры гэтым змяніў індэкс 107 на 108. У 2021 годзе альянс распаўся. Toyota выкупіла рэшту акцый, атрымаўшы поўны кантроль на прадпрыемствам, якое пераназвала ў Toyota Motor Manufacturing Czech Republic (TMMCZ).
Колькасць супрацоўнікаў — каля 2 500 чал.; вытворчая магутнасць — больш за 300 000 аўтамабіляў у год. У цяперашні час на заводзе выпускаюцца Toyota Aygo X і Yaris[17].
Расія
правіцьБудаўніцтва завода ў Санкт-Пецярбургу пачалося ў 2005 годзе. Вытворчасць была запушчана ў 2007 годзе з выпускам Toyota Camry. У 2016 годзе ў вытворчую праграму дадаўся красовер RAV4. Пры поўнай магутнасці завод мог вырабляць 100 000 машын у год.
У сакавіку 2022 года праца завода была прыпынена, а ў верасні Toyota абвясціла аб закрыцці прадпрыемства[18].
У ЗША
правіцьСан-Антоніа
правіцьУ 2003 годзе Toyota пачала будаўніцтва завода ў Сан-Антоніа, штат Тэхас. 17 лістапада 2006 года адбылося афіцыйнае адкрыццё Toyota Motor Manufacturing Texas і запуск вытворчасці. Першай мадэллю стаў пікап Toyota Tundra, у 2010 годзе пачалася вытворчасць Toyota Tacoma. У верасні 2013 года завод адзначыў выпуск мільённага пікапа. У 2021 годзе выпуск Toyota Tacoma перанесены ў Мексіку. У верасні 2022 года ў Сан-Антоніа пачалі выпуск гібрыдных пазадарожнікаў Sequoia[19].
Зноскі
правіць- ↑ https://www.toyota-global.com/company/history_of_toyota/75years/text/taking_on_the_automotive_business/chapter2/section4/item3.html
- ↑ 会社案内 | 会社概要 | 企業情報 | トヨタ自動車株式会社 公式企業サイト Праверана 25 красавіка 2020.
- ↑ Overview | Profile | Company | Toyota Motor Corporation Official Global Website Праверана 25 красавіка 2020.
- ↑ https://finance.yahoo.com/quote/TM/
- ↑ https://www.sec.gov/Archives/edgar/data/1094517/000119312520177015/d825023d20f.htm#rom825023_26
- ↑ а б в г д е ё ж з і к л м н о п р с т у ф х ц https://www.sec.gov/Archives/edgar/data/1094517/000119312516630645/d19734d20f.htm
- ↑ https://global.toyota/en/company/profile/facilities/r-d/ Праверана 9 красавіка 2022.
- ↑ "Akio Toyoda Steps Down As Toyota CEO, Becomes Chairman Of The Board"(англ.). motor1.com. 2023-01-26. Праверана 2023-11-23.
- ↑ "Toyota Crowned Best-Selling Automaker In 2022 With Nearly 10.5 Million Cars"(англ.). motor1.com. 2023-01-30. Праверана 2023-11-23.
- ↑ Tesla places two models in the world top 10 best-selling vehicles in 2022 (англ.). JATO Dynamics (3 мая 2023). Праверана 23 лістапада 2023.
- ↑ "Toyota Has Made 300 Million Cars In 88 Years"(англ.). motor1.com. 2023-11-06. Праверана 2023-11-23.
- ↑ Filippo Einaudi. Motomachi, dall'alto di gamma Toyota alle elettriche e fuel cell (італ.). it.motor1.com (8 лютага 2022). Праверана 23 верасня 2022.
- ↑ Filippo Einaudi. Takaoka, la fabbrica di Corolla e Rav che produce le ibride (італ.). it.motor1.com (17 студзеня 2023). Праверана 17 студзеня 2023.
- ↑ Filippo Einaudi. La mega fabbrica Toyota da 500mila auto l'anno è sempre più green (італ.). it.motor1.com (9 верасня 2021). Праверана 23 верасня 2022.
- ↑ Filippo Einaudi. Toyota Myochi, dove artigiani e robot costruiscono insieme motori (італ.). it.motor1.com (10 кастрычніка 2023). Праверана 10 кастрычніка 2023.
- ↑ Filippo Einaudi. Valenciennes, la fabbrica di Toyota Yaris che si scalda col sole (італ.). it.motor1.com (12 ліпеня 2022). Праверана 23 верасня 2022.
- ↑ Filippo Einaudi. Kolin, casa delle piccole Toyota nel cuore della Repubblica Ceca (італ.). it.motor1.com (11 ліпеня 2023). Праверана 19 верасня 2023.
- ↑ "Toyota Ends Manufacturing Operations In Russia"(англ.). motor1.com. 2022-09-23. Праверана 2022-09-24.
- ↑ A look back at Toyota's San Antonio factory 20 years later (англ.). mysanantonio.com (25 кастрычніка 2023). Праверана 29 кастрычніка 2023.
Літаратура
правіць- «Таёта» // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 382. — 10 000 экз. — ISBN 985-11-0035-8. — ISBN 985-11-0251-2 (т. 15).
- «Таёта мо́тар» // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 383. — 10 000 экз. — ISBN 985-11-0035-8. — ISBN 985-11-0251-2 (т. 15).