2016

2016 — высакосны год, пачынаецца ў пятніцу па грыгарыянскім календары.

Тысячагоддзе:	3 тысячагоддзе
Стагоддзі:	XX стагоддзе XXI стагоддзе XXII стагоддзе
Дзесяцігоддзі:	1990-я 2000-я 2010-я 2020-я 2030-я
Гады:	2013 2014 2015 2016 2017 2018 2019

2016 год паводле тэм:

З’явіліся  · Зніклі  · Нарадзіліся  · Памерлі

Культура і мастацтва

Навука і тэхналогія

Палітыка

Спорт

Падзеі

Студзень

• 1 студзеня — Кніга Адольфа Гітлера «Mein Kampf» перайшла ў грамадскі набытак.

Люты

• 12 лютага — Сустрэча Папы Рымскага Францыска і Патрыярха Маскоўскага і ўсяе Русі Кірыла на Кубе.
• 17 лютага — Тэрарыстычны акт здзейснены ў Анкары.
• 26 лютага — Зімовыя Юнацкія Алімпійскія гульні 2016 стартуюць у Лілехамеры (сконч. 6 сакавіка).

Сакавік

• 9 сакавіка — Поўнае сонечнае зацьменне.
• 13 сакавіка — ФК БАТЭ выйграў Суперкубак Беларусі па футболе 2016.
• 30 сакавіка — Беларусь устанавіла дыпламатычныя адносіны з Манака

Красавік

• 27 красавіка — Беларусь устанавіла дыпламатычныя адносіны з Ліберыяй.
• 29 красавіка — Пачаўся Чэмпіянат свету па хакеі з шайбай у Расіі.

Май

• 9 мая — Праходжанне Меркурыя па дыску Сонца.
• 18 мая — Фінальны матч Лігі Еўропы УЕФА адбыўся ў Базелі. Пераможцам турніру трэці год запар стаў іспанскі клуб «Севілья», які ў фінале атрымаў перамогу на англійскім «Ліверпулем».
• 21 мая — ФК Тарпеда-БелАЗ (Жодзіна) выйграў Кубак Беларусі па футболе 2015/2016, перамогшы ў фінале ў Брэсце ФК БАТЭ (Барысаў).
• 22 мая — Скончыўся Чэмпіянат свету па хакеі з шайбай у Расіі, пераможцам стала зборная каманда Канады.
• 28 мая — Фінал Лігі чэмпіёнаў УЕФА адбыўся ў Мілане. Пераможцам турніру стаў мадрыдскі «Рэал», які перамог землякоў з «Атлетыка».

Чэрвень

• 4 чэрвеня — XI Рэспубліканскі фестываль нацыянальных культур пачаўся ў Гродне (сконч. 5 чэрвеня).
• 11 чэрвеня — У Францыі стартаваў Чэмпіянат Еўропы па футболе 2016.
• 12 чэрвеня — Масавае забойства ў Арланда.
• 23 чэрвеня — Рэферэндум аб членстве Вялікабрытаніі ў Еўрапейскім саюзе.
• 28 чэрвеня — У стамбульскім аэрапорце імя Атацюрка адбыўся тэракт, 43 чалавекі загінулі.
• 29 чэрвеня — У Бразіліі адбываецца адключэнне аналагавага тэлебачання.

Ліпень

• 1 ліпеня — Дэнамінацыя нацыянальнай грашовай адзінкі Беларусі.
• 3 ліпеня — У Францыі заканчваецца чэмпіянат Еўропы па футболу. У фінале зборная Партугаліі перамагла зборную Францыі.
• 3 ліпеня — У выніку двайнога тэракта ў Багдадзе загінулі 292 чалавекі.
• 5 ліпеня — Аўтаматычная міжпланетная станцыя «Юнона», запушчаная амерыканскім касмічным агенцтвам НАСА 5 жніўня 2011, выйшла на арбіту Юпітэра.
• 10 ліпеня — Чэмпіянат Еўропы па лёгкай атлетыцы 2016 скончыыўся ў Амстэрдаме (пачаўся 6 ліпеня).
• 12 ліпеня — У Мюнхене ў выніку масавых забойстваў загінулі 9 чалавек і яшчэ 32 паранена.
• 14 ліпеня — У Ніцы на святкаванні Дня ўзяцця Бастыліі здзейснены тэрарыстычны акт.
• 15 ліпеня — Ваенны спрабавалі здзейсніць дзяржаўны пераварот у Турцыі.

Жнівень

• 5—21 жніўня — Летнія Алімпійскія гульні ў Рыа-дэ-Жанэйра.
• 24 жніўня — У выніку землетрасення ў Італіі загінулі прынамсі 250 чалавек, больш за 350 паранены.

Верасень

Кольцападобнае зацьменне ў Л'Етан-Сале, Рэюньён.

• 1 верасня — Кольцападобнае сонечнае зацьменне было бачнае Атлантычным акіянам, Афрыкай і Індыйскім акіянам.
• 4 верасня — Маці Тэрэза прылічана Каталіцкай царквой да ліку святых.
• 7 верасня — Цырымонія адкрыцця летніх Паралімпійскіх гульняў 2016. Беларускі спартыўны функцыянер, насуперак забароне МПК, пранёс сцяг Расіі, дыскваліфікаванай за допінг.
• 11 верасня — Прайшлі парламенцкія выбары ў Беларусі.
• 18 верасня — Скончыліся Летнія Паралімпійскія гульні 2016.
• 25 верасня — Завяршыўся турнір «Шанхай Мастэрс» па снукеры, пераможцам стаў кітаец Дзін Цзюньхуэй.
• 30 верасня — Еўрапейскае касмічнае агенцтва правяло кіраванае сутыкненне касмічнага апарата «Разета» з каметай Чурумава — Герасіменка.

Кастрычнік

• 12 кастрычніка — Літаратурную прэмію імя Ежы Гедройца атрымаў Макс Шчур за кнігу «Завяршыць гештальт».
• 13 кастрычніка — Нобелеўская прэмія па літаратуры прысуджана Бобу Дылану.
• 13 кастрычніка — Антоніу Гутэрыш абраны на пасаду Генеральнага сакратара ААН.
• 19 кастрычніка — Спускальны модуль «Скіяпарэлі» місіі «Экзамарс» разбіўся пры спробе сесці на Марс, а «Трэйс Гас Орбітэр» стаў штучным спадарожнікам Чырвонай планеты.
• 21 кастрычніка:
  • Беларусь выбрана месцам правядзення Еўрапейскіх гульняў 2019 года.
  • Інцыдэнт з пасадкай Boeing 737 у Кіеве
• 25 кастрычніка — Лаўрэатам прэміі Алеся Адамовіча стаў Уладзімір Арлоў. Прэміяй імя Францішка Багушэвіча адзначаны Святлана Марозава і Дзяніс Лісейчыкаў. Першым лаўрэатам прэміі імя Карласа Шэрмана стаў Якуб Лапатка за пераклад эпасу «Калевала».
• 30 кастрычніка — Прэзідэнцкія выбары ў Малдове

Лістапад

• 3 лістапада — Распачаўся 24-ы Мінскі міжнародны кінафестываль «Лістапад» (сконч. 10 лістапада)
• 8 лістапада — Прэзідэнцкія выбары, выбары ў Сенат і Кангрэс ЗША. На выбарах прэзідэнта перамог прадстаўнік ад Рэспубліканскай партыі Дональд Трамп.
• 29 лістапада — Новым каралём Тайланда абвешчаны Маха Вачыралангкорн.
• 29 лістапада — У небе над Калумбіяй разбіўся самалёт з футбольнай камандай «Шапекаэнсі».
• 30 лістапада — Магнус Карлсен абараніў тытул чэмпіёна свету па шахматах, перамогшы прэтэндэнта Сяргея Каракіна.

Снежань

• 1 снежня — Народ Гамбіі змяніў мірным шляхам кіраўніка дзяржавы ўпершыню за апошнія 22 гады.
• 2 снежня — Прэм’ер-міністр Індыі Нарэндра Модзі названы чалавекам года па версіі чытачоў амерыканскага часопіса Time.
• 5 снежня — Прэм’ер-міністр Італіі Матэа Рэнцы прызнаў паражэнне на канстытуцыйным рэферэндуме і абвясціў пра сваю адстаўку.
• 7 снежня — Дональд Трамп стаў чалавекам года паводле версіі часопіса Time.
• 11 снежня — Уведзены ў эксплуатацыю Гатардскі базісны тунэль, самы доўгі ў свеце чыгуначны тунэль.
• 15 снежня — Запушчана еўрапейская спадарожнікавая навігацыйная сістэма Галілеа.
• 19 снежня — У Анкары забіты пасол Расіі ў Турцыі Андрэй Карлаў.
• 25 снежня — Самалёт Ту-154 Міністэрства абароны Расійскай Федэрацыі, які накіроўваўся ў Сірыю, пацярпеў катастрофу над Чорным морам пасля ўзлёту з аэрапорта Сочы.
• 31 снежня — Запланаванае адкрыццё Омскага метрапалітэну.

Памерлі

Асноўны артыкул: Спіс памерлых у 2016 годзе

• 6 студзеня: Рыгор Сасна — гісторык царквы, беларусазнавец (нар. 30.4.1939)
• 10 студзеня: Дэвід Боўі — брытанскі рок-музыкант (нар. 8.1.1947)
• 16 лютага: Бутрас Бутрас-Галі — егіпецкі дыпламат, 6-ы Генеральны сакратар ААН (нар. 14.11.1922)
• 19 лютага: Харпер Лі — амерыканская пісьменніца (нар. 12.4.1926)
• 19 лютага: Умберта Эка — італьянскі пісьменнік (нар. 5.1.1932)
• 26 лютага: Эры Клас — эстонскі дырыжор
• 6 сакавіка: Нэнсі Рэйган — першая лэдзі ЗША, удава Рональда Рэйгана (нар. 6.7.1921)
• 17 сакавіка: Аляксандр Аляксандравіч Прахарэнка — вайсковец Сіл спецыяльных аперацый Узброеных Сіл Расійскай Федэрацыі, старшы лейтэнант (нар 27.06.1990).
• 18 сакавіка: Гіда Вестэрвэле — нямецкі палітык (нар. 27.12.1961)
• 24 сакавіка: Ёхан Кройф — галандскі футбаліст і трэнер (нар. 25.4.1947)
• 29 сакавіка: Ніл Гілевіч — беларускі паэт і грамадскі дзеяч (нар. 30.9.1931)
• 4 красавіка: Уладзімір Казбярук — беларускі літаратуразнавец
• 9 красавіка: Зміцер Саўка — беларускі мовазнавец (нар. 26.7.1965)
• 17 красавіка: Вітаўт Мартыненка — беларускі музычны крытык
• 19 красавіка: Вальтэр Кон — амерыканскі фізік-тэарэтык
• 19 красавіка: Патрысіа Эйлвін — 33-і прэзідэнт Чылі
• 18 мая: Алег Аблажэй — беларускі мастак
• 3 чэрвеня: Махамед Алі — амерыканскі баксёр (нар. 17.1.1942)
• 3 чэрвеня: Марат Радыкавіч Ахметшын — расійскі афіцэр, артылерыст, удзельнік баявых дзеянняў у Сірыі, Герой Расійскай Федэрацыі (нар. 27.06.1980).
• 26 чэрвеня: Расціслаў Янкоўскі — беларускі акцёр
• 26 чэрвеня: Сяргей Картэс — беларускі кампазітар
• 2 ліпеня: Элі Візель — яўрэйскі, французскі пісьменнік, лаўрэат Нобелеўскай прэміі міру
• 8 ліпеня: Абдул Сатар Эдхі — пакістанскі філантроп
• 15 ліпеня: Янез Бернік — славенскі мастак
• 20 ліпеня: Павел Шарамет — беларускі журналіст
• 9 жніўня: Эрнст Неізвесны — савецкі і амерыканскі скульптар
• 23 жніўня: Райнхард Зелтэн — лаўрэат Нобелеўскай прэміі па эканоміцы (нар. 5.10.1930)
• 2 верасня: Іслам Карымаў — прэзідэнт Узбекістана (нар. 30.1.1938)
• 11 верасня: Юрый Хадыка — беларускі навуковец, грамадскі і культурны дзеяч, доктар фізіка-матэматычных навук (нар. 23.6.1938)
• 14 верасня: Іван Лучыц-Федарэц — беларускі мовазнаўца і перакладчык (нар. 26.11.1938)
• 9 кастрычніка: Анджэй Вайда — польскі тэатральны дзеяч і кінарэжысёр (нар. 6.3.1926)
• 13 кастрычніка: Пхуміпон Адульядэт — кароль Тайланда (нар. 5.12.1927)
• 19 кастрычніка: Клім Чурумаў — украінскі астраном, пісьменнік (нар. 19.2.1937)
• 23 лістапада: Анатоль Валахановіч — беларускі гісторык, журналіст, краязнавец (нар. 17.4.1939)
• 25 лістапада: Фідэль Кастра — кубінскі рэваюцыянер, дзяржаўны і палітычны дзеяч (нар. 13.8 1926)
• 1 снежня: Алесь Белакоз — беларускі грамадскі дзеяч, музеязнаўца, настаўнік, краязнаўца (нар. 11.11.1928)
• 13 снежня: Томас Шэлінг — амерыканскі эканаміст, лаўрэат Нобелеўскай прэміі па эканоміцы (нар. 14.4.1921)
• 17 снежня: Леанід Маракоў — беларускі журналіст, пісьменнік, гісторык (нар. 15.4.1958)
• 20 снежня: Мішэль Марган — французская актрыса
• 25 снежня: Джордж Майкл — брытанскі спявак (нар. 25.6.1963)
• 27 снежня: Кэры Фішэр — амерыканская актрыса (нар. 21.10.1956)