«Тайм» (ад англ.: Time — «Час»; гандлёвая марка па-англійску пішацца вялікімі літарамі: TIME) — амерыканскі штотыднёвы часопіс са штаб-кватэрай у Нью-Ёрку. Пры тыражы каля 3,4 млн экз.[4] у 2007 годзе з'яўляецца найпапулярнейшым часопісам у ЗША.

TIME
Time Magazine logo.svg
Time Magazine - first cover.jpg
Арыгінальная
назва
англ.: Time[1]
Тып часопіс[2] і print news magazine[d][3]

Выдавец Time Inc. (частка Time Warner)
Краіна Flag of the United States.svg ЗША
Рэдактар Nancy Gibbs[d]
Галоўны рэдактар Edward Felsenthal[d]
Заснавана 3 сакавіка 1923
Мова англійская
Перыядычнасць штотыднёвік
Галоўны офіс
ISSN 0040-781X
Вэб-сайт Афіцыйны сайт TIME
Commons-logo.svg TIME на Вікісховішчы

ГісторыяПравіць

 
Вокладка самага першага нумара часопіса

Першы выпуск часопіса паступіў у продаж 3 сакавіка 1923 года. Ідэя стварэння газеты Time прыйшла ў галаву Генры Льюсу (Henry Luce) і Брайтану Хэдэну (Briton Haden) падчас сходу ў рэзідэнцыі тайнага таварыства студэнтаў Ельскага ўніверсітэта «Чэрап і косці».[5]

Гэта быў першы ў свеце навінавы штотыднёвік. Праз дзесяць гадоў у яго з'явіўся канкурэнт — «Newsweek». Да смерці Льюса ў 1967 годзе часопіс адлюстроўваў яго ўмерана кансерватыўныя погляды.

Фірменны фармат часопіса прадугледжваў некалькі дзясяткаў артыкулаў, якія ў сціслай форме рэзюмавалі найбольш важныя тэмы тыдня ў вобласці ўнутранай і замежнай палітыкі, бізнесу, адукацыі, навукі, медыцыны, права, рэлігіі, спорту, кнігавыдаўніцтва і мастацтва.

Сучасны «Тайм» з'яўляецца ядром найвялікшага ў свеце холдынга ў вобласці сродкаў масавай інфармацыі і шоу-бізнесу — Time Warner. Апроч амерыканскай, выпускаюцца еўрапейская (Лондан), азіяцкая (Ганконг) і аўстралійская (Сідней) версіі часопіса.

Чалавек годаПравіць

Традыцыйна часопіс Time называе ў апошнім снежаньскім нумары імя «чалавека года». Гэтая намінацыя прысуджаецца з 1927 года, калі гэтым званнем уганаравалі лётчыка Чарльза Ліндберга, які упершыню ў гісторыі сам адзін пераляцеў Атлантыку.

Персону года выбірае выключна выканаўчы рэдактар. У розныя гады Чалавекам года станавіліся Адольф Гітлер, Іосіф Сталін, Джордж Буш, Міхаіл Гарбачоў (двойчы — у 1987 і 1989 гадах), абстрактны Амерыканскі салдат, а таксама карыстальнік Інтэрнэту. У 2010 годзе заснавальнік і галава кампаніі Facebook Марк Цукерберг. У 2011 годзе Чалавекам года зноў абралі зборны вобраз: «пратэстоўца» («мяцежнік»).

100 асоб годаПравіць

Пачынаючы з 1999 часопіс публікуе таксама «Time 100» — спіс ста найбольш уплывовых людзей года. Спіс выбіраецца камісіяй вучоных.

100 асоб XX стагоддзяПравіць

У чэрвені 1999 быў апублікаваны спіс найбольш значных XX стагоддзя: «Time 100: Героі і куміры 20-га стагоддзя». Кандыдатаў адбірала камісія амерыканскіх гісторыкаў, журналістаў і палітыкаў. У снежаньскім выпуску 1999 быў названы чалавек стагоддзя па версіі Time, ім стаў Альберт Эйнштэйн.

Зноскі

  1. The ISSN portalParis: ISSN International Centre, 2005. — ISSN 0040-781X
  2. Bibliothèque nationale de France data.bnf.fr: платформа адкрытых дадзеных — 2011. Праверана 2 лістапада 2020.
  3. (unspecified title) Праверана 12 мая 2021.
  4. Forbes.com — Magazine Article
  5. Skull and Bones, эліта Імперыі

СпасылкіПравіць