Rokiczanka
«Rokiczanka» (гучыць як «Ракічанка») — польскі музычны калектыў, які выконвае народную музыку. Заснаваны ў 2001 годзе ў весцы Ракітна (Люблінскае ваяводства, Любартоўскі павет, гміна Любартаў).
Rokiczanka | |
---|---|
Жанр | Народная музыка |
Гады | 2001 — дагэтуль |
Краіна | Польшча |
Горад | в. Ракітна, Люблінскае ваяводства |
Мова песень | польская |
rokiczanka.pl |
Рэпертуар
правіцьГурт выконвае традыцыйныя народныя песні, не толькі з люблінскага рэгіёна, але і ўсёй Польшчы. Сярод іншых падобных гурт адрозніваецца сваімі аранжыроўкамі песень, больш сучаным гучаннем, што спрыяе папулярызацыі народных традыцый сярод больш шырокай аўдыторыі[1].
Рэпертуар гурта — традыцыйная музыка, якая перадаецца з пакалення ў пакаленне. Удзельнікі гурта — спевакі–аматары. Аранжыроўкай займаюцца прафесійныя музыкі. Кіруе гуртом ураджэнец Любліна Ірэк Бахонка – музыкант, акардэаніст, музычны кіраўнік гурта[2][3].
Гісторыя
правіцьГурт утварыўся ў 2001 годзе. Толькі пасля 10 гадоў дзейнасці, у асноўным — канцэртнай, гурт вырашыщ выпусціць у 2011 годзе дэбютны альбом: «W moim ogródecku», які змяшчае 9 трэкаў. Альбом быў ацэнены па вартасці — яго намінавалі на званне «фолк-дыск года» ў конкурсе «Віртуальныя Гуслі»[4], пасля чаго з малавядомага, гурт стаў вядомым у асяроддзі аматараў і выканаўцаў польскай народнай музыкі[2][5].
Паспрыялі папулярнасці гурта і прафесійныя кліпы, зробленыя Пятром Смаленьскім[1][3]. Кліп на песню аднайменнага дэбютнага альбома «W moim ogródecku», быў намінаваны на Фестывалі «Festiwal Polskich Wideoklipów Yach Film — 2013» у катэгорыі лепшыя кадры[6]. Яшчэ адзін кліп гэтага аўтара, зняты на песню «Lipka», стаў хітом інтэрнета[2]. Абодва згаданыя вышэй музычныя кліпы зняты ў музеі пад адкрытым небам «Музей Люблінскай вёскі» ў Любліне[5].
«Rokiczanka» — ў значнай ступені сямейны калектыў (Васакі і Мазурэкі). Галоўная вакалістка гурта — Паўліна Васак, якая спявае сольную партыю ў песні «W moim ogródecku», а таксама разам з Кацярынай Мазурэк спявае ў песні «Lipka».
Пры «Rokiczanka» дзейнічае таксама дзіцяча-маладзёжны вакальны гурт «Mała Rokiczanka», які таксама выпусціў кампакт-дыск: «Muzyczne przygody».
Узнагароды
правіцьУ жніўні 2016 года Міністр Культуры і Нацыянальнай Спадчыны узнагародзіў калектыў «Rokiczanka» Ганаровым знакам «Заслужаны для Польскай Культуры»[7].
Склад калектыва
правіцьВакалісты
правіць- Эльжбета Гжывач
- Агата Кавалак
- Ганна Мазурэк
- Эльжбета Мазурэк
- Катажына Мазурэк
- Ева Музык
- Агнешка Шчэпанік
- Малгажата Васак
- Паўліна Васак
- Тэрэса Уроніш
- Каміл Кушплак
- Мікалай Васак
- Даніэл Мазурэк
- Мацей Гамонь
- Міхал Котэр
- Войтэк Лежак
- Павел Ендрэек
Інструменталісты
правіцьДыскаграфія
правіць- «W moim ogródecku» — «Rokiczanka», LP, 2011
- «Muzyczne przygody» — «Mała Rokiczanka», LP, 2014
- «Oj, zagraj mi muzyko!» — «Rokiczanka», LP, 2016
Зноскі
- ↑ а б Folk w nowej odsłonie. W skansenie teledysk nagrywają "Rokiczanki" (польск.). TVP Lublin (18 лютага 2013). Праверана 14 снежня 2017.(недаступная спасылка)
- ↑ а б в Łukasz Minkiewicz. Teledysk Rokiczanka – "Lipka" hitem internetu. Porównują go do "My Słowianie" (польск.). Dziennik Wschodni (6 красавіка 2014). Праверана 14 снежня 2017.
- ↑ а б Rokiczanka prezentuje folklor lubelskiego (польск.)(недаступная спасылка). Etnosystem.pl. Архівавана з першакрыніцы 7 красавіка 2014. Праверана 14 снежня 2017.
- ↑ Rokiczanka. W moim ogródecku (польск.). Wirtu@lne gęśle. Праверана 14 снежня 2017.
- ↑ а б Muzyka folkowa coraz popularniejsza: Rokiczanka bije rekordy (польск.). lublin112.pl (16 лістапада 2013). Праверана 14 снежня 2017.
- ↑ Borys Kossakowski. Ogłoszono nominację do Yachów, nagród za najlepsze polskie teledyski (польск.). trojmiasto.pl (25 лістапада 2013). Праверана 14 снежня 2017.
- ↑ Rokiczanka uhonorowana medalem od Ministra Kultury i Dziedzictwa Narodowego (польск.). lubartow24.pl (18 жніўня 2016). Праверана 15 снежня 2017.
Спасылкі
правіць