Іаан Капістран

Іаан Капістран (Джавані ды Капістрана, лац.: Johannes Capistranus, італ.: Giovanni da Capistrano; 24 чэрвеня 1386 — 23 кастрычніка 1456)— італьянскі святы, прапаведнік крыжовага паходу супраць ератыкаў і турак.

Іаан Капістран
італ.: Giovanni da Capestrano
Дата нараджэння	24 чэрвеня 1386 ці 24 чэрвеня 1386(1386-06-24)
Месца нараджэння	Капестрана[d], правінцыя Л’Акуіла[d], Абруца, Італія ці South Italy[d], Італія
Дата смерці	23 кастрычніка 1456 (70 гадоў) ці 23 кастрычніка 1456(1456-10-23) (70 гадоў)
Месца смерці	Ілак, Вукаварска-Срэмская жупанія[d], Харватыя ці Харватыя
У ліку	святы і каталіцкі святы
Дзень памяці	23 кастрычніка
Альма-матар	Універсітэт Перуджы
Медыяфайлы на Вікісховішчы

Біяграфія

Нарадзіўся ў Капістрана, у правінцыі Аквіла, быў спачатку юрыстам, затым уступіў у ордэн францысканцаў і неўзабаве набыў вядомасць ганеннем сектантаў у Верхняй Італіі. Разам з Бернардзінам Сіенскім заснаваў галіну францысканскага ордэна.

Папа Мікалай V у 1450 прызначыў яго сваім легатам у Германію, каб пакласці канец гусіцтву і схіліць немцаў да крыжовага паходу супраць туркаў. Хоць ён гаварыў толькі па-латыні, але ўсюды ўзбуджаў найвялікшы запал. У Маравіі ён з поспехам прапаведаваў супраць гусітаў, але з Чэхіі Іржы Падэбрадаў вымусіў яго бегчы.

У Брэслау ён прысудзіў 40 яўрэяў да спалення. Падобнага роду жорсткасці чыніў і ў іншых месцах Сілезіі, а таксама ў Кракаве. З-за таго, што яго старанні схіліць германскіх князёў да крыжовага паходу на туркаў засталіся безпаспяховымі, ён самастойна сабраў войска ў 60 тыс. чалавек, павёў яго ў Венгрыю і шмат у чым спрыяў зняццю аблогі Бялграда туркамі (1456), але неўзабаве памёр ад чумы.

Папа Аляксандр VIII кананізаваў Капістрана ў 1690 г.

Спасылкі

• На Вікісховішчы ёсць медыяфайлы па тэме Іаан Капістран

Пры напісанні артыкула выкарыстаны матэрыял з Энцыклапедычнага слоўніка Бракгаўза і Эфрона (1890—1907).