Іван Уладзіміравіч Мандрык

Іван Уладзіміравіч Мандрык (5 верасня 1941, в. Пасад, Сенненскі раён, Віцебская вобласць — 28 сакавіка 2021) — беларускі гісторык. Доктар гістарычных навук (2005), прафесар (2005).

Іван Уладзіміравіч Мандрык
Дата нараджэння	5 верасня 1941(1941-09-05)
Месца нараджэння	Пасад, Будскі сельсавет, Багушэўскі раён, Віцебская вобласць, БССР, СССР
Дата смерці	28 сакавіка 2021(2021-03-28) (79 гадоў)
Грамадзянства	Беларусь
Месца працы	Віцебскі дзяржаўны ўніверсітэт імя П. М. Машэрава Міжнародны ўніверсітэт МІПСА Віцебскі абласны камітэт КПБ
Навуковая ступень	доктар гістарычных навук (2005)
Навуковае званне	прафесар (2005)
Альма-матар	Беларускі дзяржаўны інстытут фізічнай культуры (1968) Мінская вышэйшая партыйная школа пры ЦК КПБ (1971)

Біяграфія

Скончыў Беларускі дзяржаўны інстытут фізічнай культуры (спецыяльнасць «Фізічная культура і спорт», 1968), Мінскую вышэйшую партыйную школу (1971), Мінскі дзяржаўны педагагічны інстытут імя А. М. Горкага (аспірантура, 1981).

Працаваў у Чыгуначным раённым камітэце ЛКСМБ г. Віцебска, Чыгуначным раённым камітэце КПБ г. Віцебска, Віцебскім абласным камітэце КПБ, Міжнародным інстытуце працоўных і сацыяльных адносін (Віцебскі філіял; 1994—2009, дырэктар), Віцебскім дзяржаўным універсітэце імя П. М. Машэрава (1980—1996 і 2010—2020, прафесар кафедры гісторыі і культурнай спадчыны).

Навуковыя інтарэсы: гісторыя Беларусі савецкага перыяду; развіццё чыгуначнага транспарту ў Беларусі (1966—1990); гісторыя, тэорыя і практыка прафсаюзнага руху; палітычныя партыі ў грамадскай сістэме.

Бібліяграфія

• Железнодорожный транспорт Беларуси: кадровая политика, общественно-политическая жизнь (1971—1991 гг.) : диссертация … доктора исторических наук : 07.00.02 : защищена 05.11.2004 : утверждена 18.05.2005 / Мандрик Иван Владимирович. — Минск, 2004.
• Зборнік лекцый па гісторыі Беларусі (у кантэксце сусветнай цывілізацыі) / І. У. Мандрык. — Віцебск, 2005.

Літаратура

• Мандрик Иван Владимирович // Республика Беларусь : энциклопедия : [в 7 т.]. — Минск, 2007. — Т. 4. — С. 641—642.
• Мандрик Иван Владимирович // Регионы Беларуси : энциклопедия : в 7 т. — Минск, 2010. — Т. 2 : Витебская область : в 2 кн., кн. 2. — С. 104.
• Мандрык Іван Уладзіміравіч // Краязнаўцы Віцебшчыны другой паловы XX — пачатку XXI ст. : біябібліяграфічны даведнік / Мікалай Півавар. — Мінск, 2010. — С. 201.