Ілмары Юўцілайнен

Эйна Ілмары Юўцілайнен (фінск.: Eino Ilmari Juutilainen; 21 лютага 1914, Ліекса, Выбарская губерня, Расійская імперыя — 21 лютага 1999) — фінскі ваенны лётчык, прызнаны самым дзейсным лётчыкам-знішчальнікам ў ваенна-паветраных сілах усіх краін, якія ўдзельнічалі ў Другой сусветнай вайне, за выключэннем Германіі — у 1939—1944 гадах збіў 94 савецкіх самалёта, два з якіх — падчас Савецка-фінскай вайны.

Эйна Ілмары Юўцілайнен
фінск.: Eino Ilmari Juutilainen
Дата нараджэння	21 лютага 1914(1914-02-21)
Месца нараджэння	Ліекса, Паўночная Карэлія, Фінляндыя
Дата смерці	21 лютага 1999(1999-02-21) (85 гадоў)
Месца смерці	Туусула[d], Усіма, Паўднёвая Фінляндыя, Фінляндыя
Грамадзянства	Фінляндыя
Прыналежнасць	Фінляндыя
Род войскаў	авіяцыя
Гады службы	1932 – 1947
Званне	Lentomestari[d]
Бітвы/войны	Савецка-фінская вайна; Другая сусветная вайна
Узнагароды і званні
У адстаўцы	прыватны пілот
Медыяфайлы на Вікісховішчы

Біяграфія

Нарадзіўся ў сям’і чыгуначніка. Пазней сям’я пераехала ў Сартавала, дзе Ілмары стаў членам мясцовага марскога клуба і ўдзельнічаў у паходах па Ладажскаму возеру. Прачытаўшы кнігу лепшага нямецкага аса Першай сусветнай вайны барона Манфрэда фон Рыхтгофена, Ілмары таксама вырашыў стаць лётчыкам. Улетку 1932 года быў прызваны на ваенную службу і ў якасці памочніка механіка быў накіраваны ў 1-ю асобную эскадрыллю гідрасамалётаў. У 1933 годзе паступіў у авіяшколу братоў Кархумякі і змог атрымаць ліцэнзію пілота прыватнага самалёта.

У 1936 яму ўдалося дамагчыся накіравання ў авіяшколу фінскай авіяцыі, якая знаходзілася на аэрадроме Каўхава (Kauhava), каля горада Лапуа.

1 мая 1937 года Юўцілайнен ў званні сяржанта прыбыў у «As5», якія размяшчаліся на аэрадроме Суўр-Мерыёкі, у некалькіх кіламетрах на захад ад Выбарга. Першапачаткова лётаў на самалёце-разведчыку, затым у 1938 годзе быў накіраваны на аэрадром Уці, дзе на працягу некалькіх месяцаў праходзіў падрыхтоўку ў якасці лётчыка-знішчальніка.