Ілона Гузенбаўэр

Ілона Марыя Гузенбаўэр (нар. 16 верасня 1947 года, Гумерсбах, Паўночны Рэйн-Вестфалія) — аўстрыйская спартсменка, якая выступала ў скачках у вышыню, экс-рэкардсменка свету (1,92 м у Вене). Бронзавая прызёрка на Алімпіядзе 1972 года ў Мюнхене, дзесяціразовая чэмпіёнка Аўстрыі (1966—1973, 1975 і 1976).

Ілона Гузенбаўэр
Род дзейнасці	скакун у вышыню
Дата нараджэння	16 верасня 1947(1947-09-16) (76 гадоў)
Месца нараджэння	Гумерсбах, раён Обербергіш[d], адміністрацыйная акруга Кёльн, Паўночны Рэйн-Вестфалія, Бізонія[d], Германія пад акупацыяй саюзнікаў[d], Германія
Грамадзянства	Аўстрыя
Узнагароды і прэміі
Медыяфайлы на Вікісховішчы

Асабісты рэкорд у скачках у вышыню (1,93 м) устанавіла ў 1972 годзе.

1972, Алімпійскія гульні ў Мюнхене

На Алімпійскія гульні 1972 года ў Мюнхене Гузенбаўэр прыехала фаварыткай. Лічылася, што канкурэнцыю ёй можа аказаць толькі балгарская спартсменка Іарданка Благоева. У папярэдніх спаборніцтвах яна лёгка з першай спробы ўзяла кваліфікацыйную мяжу 1,76 м. Аднак на наступны дзень, 4 верасня, у фінале адбылася нечаканасць. Малавядомая 16-гадовая спартсменка з Германіі Ульрыке Мейфарт, асабісты рэкорд якой складаў усяго 1,85 м, прадэманстравала бліскучую серыю скачкоў, узяўшы з першай спробы вышыні 1,71; 1,76; 1,79; 1,82 і 1,85, а таксама вышыню 1,88, якая на 3 см перавышала яе асабістае дасягненне. Вышыню 1,88 м, акрамя Мейфарт пераадолелі толькі дзве ўдзельніцы — Ілона Гузенбаўэр і Іарданка Благоева. Благоева, як і Мейфарт, брала ўсе папярэднія вышыні з першай спробы і дзяліла з ёй першую пазіцыю, Гузенбаўэр ішла трэцяй, маючы пяць няўдалых спроб, у тым ліку адну на вышыні 1,88 м. Вырашальнай стала вышыня 1,90 м. Мейфарт узяла яе з другой спробы, абедзве яе суперніцы пацярпелі няўдачу. Такім чынам, Гузенбаўэр заняла толькі трэцяе месца.