Інстытут фізікі НАН Украіны
Інстытут фізікі НАН Украіны — навукова-даследчая ўстанова ў складзе Аддзялення фізікі і астраноміі Нацыянальнай акадэміі навук Украіны, займаецца навуковымі даследаваннямі ў галіне фізікі.
| Інстытут фізікі Нацыянальнай акадэміі навук Украіны | |
|---|---|
 | |
| Міжнародная назва | Institute of Physics of the National Academy of Sciences of Ukraine |
| Дата заснавання | 1929 |
| Дырэктар | Міхаіл Віталевіч Бондар |
| Юрыдычны адрас |
 Украіна, 03028 Кіеў,праспект Навукі, 46 |
| Сайт | iop.kiev.ua/ua/ |
Гісторыя
правіцьУ 1921 годзе пры Кіеўскім упраўленні адукацыі была арганізавана фізічная даследчая лабараторыя, якая ў 1922 годзе была ператворана ў Кіеўскую навукова-даследчую кафедру фізікі пры Кіеўскім політэхнічным інстытуце. 1 студзеня 1929 кафедра фізікі рэарганізавана ў Навукова-даследчы інстытут фізікі Наркамасветы УССР, які з 1932 быў падпарадкаваны Усеўкраінскай акадэміі навук і ў 1936 перайменаваны ў Інстытут фізікі АН УССР.
У гады Вялікай Айчыннай вайны — ў эвакуацыі ў Уфе.
Паспяховае правядзенне навуковых даследаванняў у пасляваенныя гады і рост іх маштабаў стварылі ўмовы, пры якіх далейшае развіццё патрабавала арганізацыйных і структурных зменаў. У 1945 годзе ў сістэме АН УССР была створана Лабараторыя металафізікі (у 1955 годзе ператворана ў Інстытут металафізікі АН УССР), у склад якой увайшоў аддзел дыфузійных працэсаў Інстытута фізікі. У 1960 годзе, з мэтай развіцця навуковых даследаванняў фізікі паўправадніковых прыбораў і іх прымянення на базе аддзела паўправаднікоў Інстытута фізікі створаны Інстытут паўправаднікоў АН УССР (цяпер Інстытут фізікі паўправаднікоў імя В. Я. Лашкарова НАН Украіны). У 1966 годзе на базе аддзела элементарных часціц і іншых тэарэтычных аддзелаў інстытута створаны Інстытут тэарэтычнай фізікі. Некалькі аддзелаў адпаведнага профілю сталі асновай створанага ў 1970 годзе Інстытута ядзерных даследаванняў АН УССР. На базе аддзела аптычнай квантавай электронікі ў 1995 годзе створаны Інстытут прыкладной оптыкі НАН Украіны.
Навуковыя школы
правіць- Оптыкі і спектраскапіі неметалічных крышталяў
- Нелінейнай оптыкі і лазернай фізікі
- Фізічнай электронікі
- Тэорыі цвёрдага цела
Структура
правіць- Аддзел газавай электронікі
- Аддзел нелінейнай оптыкі
- Аддзел аптычнай квантавай электронікі
- Міжнародная лабараторыя паверхнева ўзмоцненай спектраскапіі
- Аддзел малекулярнай фотаэлектронікі
- Аддзел кагерэнтнай і квантавай оптыкі
- Лабараторыя радыяцыйных тэхналогій
- Аддзел фізічнай электронікі
- Аддзел фотаактыўнасці
- Аддзел лазернай спектраскапіі
- Аддзел фатонных працэсаў
- Аддзел фізікі магнітных з’яў
- Аддзел адсарбцыйных з’яў
- Аддзел фізікі крышталяў
- Лабараторыя прыкладной сегнетаэлектрыкі
- Аддзел электронікі цвёрдага цела
- Аддзел оптыкі і спектраскапіі крышталяў
- Аддзел тэарэтычнай фізікі
- Аддзел фізікі біялагічных сістэм
- Аддзел міжнароднай навуковай і інавацыйнай дзейнасці, трансферу тэхналогій і абароны інтэлектуальнай уласнасці
- Лабараторыя крыягенных тэхналогій
- Лабараторыя нелінейна-аптычнай дыягностыкі найноўных матэрыялаў
- Лазерны фемтасекундны комплекс
- СКТБ фізічнага прыладабудавання