Іосіф Антонавіч Шчарбовіч

Іосіф Антонавіч Шчарбовіч (26 кастрычніка (8 лістапада) 1902, вёска Малая Альшанка, Салігорскі раён, Мінская вобласць — 5 красавіка 1952, Віцебск) — беларускі вучоны ў галіне гельмінталогіі. Доктар ветэрынарных навук (1942), прафесар (1946). Адзін з арганізатараў і першы загадчык кафедры паразіталогіі Віцебскага ветэрынарнага інстытута.

Іосіф Антонавіч Шчарбовіч
Дата нараджэння	8 лістапада 1902(1902-11-08)
Месца нараджэння	Малая Альшанка, Слуцкі павет, Мінская губерня, Расійская імперыя
Дата смерці	5 красавіка 1952(1952-04-05) (49 гадоў)
Месца смерці	Віцебск, Віцебская вобласць, БССР, СССР
Род дзейнасці	вучоны
Навуковая сфера	гельміталогія
Месца працы	Віцебскі ветэрынарны інстытут
Навуковая ступень	доктар ветэрынарных навук
Навуковае званне	прафесар
Альма-матар	Віцебская дзяржаўная акадэмія ветэрынарнай медыцыны
Узнагароды

Біяграфія

У 1928 годзе скончыў вучобу ў Віцебскім ветэрынарным інстытуце. У 1931—1941 і 1944—1952 гг. загадчык кафедры паразіталогіі. Доктарскую дысертацыю абараніў у 1941 годзе. Распрацаваў метады прыжыццёвай капралагічнай дыягностыкі метастрангілёзу і макракантарынхозу свіней. Аўтар больш за 40 навуковых прац.

Бібліяграфія

• Гельмінтозоонозы (галоўнейшыя глістныя хваробы, агульныя ў жывёлы і чалавека)

Літаратура

• Беларуская энцыклапедыя: У 18 т. Т. 17: Хвінявічы — Шчытні / Редкал.: Г. П. Пашкоў і інш. — Мн.: БелЭн, 2003. — Т. 17. — 512 с. — 10 000 экз. — ISBN 985-11-0279-2 (т. 17)
• Энцыклапедыя прыроды Беларусі: У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1986. — 583 с., іл. — 10 000 экз.

Спасылкі

• Сайт Віцебскай ордэна «Знак Пашаны» дзяржаўнай акадэміі ветэрынарнай медыцыны. Гісторыя кафедры гельміталогіі і інвазійных хвароб (руск.)