{{вызнч|1='''Ян (Іван)}}{{вызн|1=Сакалоўскі}}САКАЛОЎСКІ''' (? — пасля 1651), — удзельнік казацка-сялянскага руху на [[Украіна|Украіне]] і [[Беларусь|Беларусі]], [[Казакі|казацкі]] палкоўнік, "«кастырскі [[гетман]]"».
Паходзіў з беларускай праваслаўнай [[Шляхта|шляхты]]. Пасля разгортвання паўстання [[Багдан Хмяльніцкі|Б. Хмяльніцкага]] на Украіне далучыўся да казакоў. У ліпені 1648 г. на чале казацкага загону прымаў удзел у барацьбе з атрадамі шляхты [[ВКЛ]] у [[Рэчыцкі павет|Рэчыцкім]] і [[Мазырскі павет|Мазырскім]] [[павет]]ах. Прымаў удзел у авалоданні казакамі [[Мазыр]]ом. У жніўні 1648 г. на чале 2-тысячнага палка рушыў на [[Слуцк]]. Пасля няўдалых перамоваў з камендантам горада Янам Сасноўскім і прадстаўнікамі слуцкага праваслаўнага духавенства і мяшчан, паспрабаваў узяць горад штурмам. Няўдалыя спробы авалодаць горадам прымусілі палкоўніка перайсці да [[Аблога|аблогі]] горада, на дапамогу Я. Сакалоўскаму таксама быў накіраваны атрад казакаўказакоў, які, аднак, быў разбіты па дарозе. У ноч з 28 на 29 жніўня 1648 г. у Слуцк патаемна ўвайшлі 6 [[Харугва, войска|харугваў]] войска ВКЛ, пасля чаго перавага сіл аказалася не на баку казакоў. Сакалоўскі быў цяжка паранены і вымушаны зняць аблогу са Слуцка. У 1649 г. удзельнічаў у перамовах казацкага кіраўніцтва з расійскім паслом К. Ункоўскім.
У 1651 г. страціў пасаду "«кастырскага гетмана"», далейшы лёс невядомы.
== Літаратура ==
{{літ
|* ''Чаропка Станіслаў.'' Сакалоўскі Ян // Вялікае княства Літоўскае: Энцыклапедыя. У 2 т. Т.2. — Мн.,2006. — С. 536.
|* ''Мицик Юрій.'' Ян Соколовський // Полководці Війська Запорозького. — Київ, 2004.— Кн.2
