Лена Куўрмаа: Розніца паміж версіямі
Новая старонка: '{{Музыкант | Імя = Лена Куўрмаа | Подпіс = | Лога = | Фота = Lenna 16-0...' |
(Няма розніцы)
|
Версія ад 23:14, 24 верасня 2012
Лена Куўрмаа (эст.: Lenna Kuurmaa; нарадзілася 26 верасня 1985, Талін, Эстонія) — эстонская музыкантка, спявачка, удзельніца гурта Vanilla Ninja.
| Лена Куўрмаа | |
|---|---|
| эст.: Lenna Kuurmaa | |
.jpg) | |
| Асноўная інфармацыя | |
| Дата нараджэння | 26 верасня 1985(1997 гадоў) |
| Месца нараджэння | |
| Краіна | Эстонія |
| Муж | Lauri Mäesepp[d][1][2] |
| Музычная дзейнасць | |
| Прафесіі | музыкантка, спявачка, акторка |
| Інструменты | гітара, скрыпка |
| Жанры | рок, поп, поп-панк |
| Калектыў | Vanilla Ninja |
| Грамадская дзейнасць | |
| Член у | |
 Медыяфайлы на Вікісховішчы | |
Біяграфія
Яшчэ ў дзяцінстве Лена марыла аб тым, каб стаць спявачкай. Першапачаткова ейныя бацькі ставіліся да гэтага крытычна. Але пакрысе Лена пачала зьяўляцца на сцэне. Яна брала ўдзел у мюзіклах «Кароль і я», «Гукі музыкі». Адным з найвялікшых посьпехаў стаўся ўдзел у паўфінале «Fizz Superstar 2002». Лена не выйграла, але менавіта там яе прыкмеціў рэжысэр Свэн Лыхмус (эст.: Sven Lõhmus), уладальнік лэйбла TopTen.
Пасьля заканчэньня школы Лена зь ейнай аднаклясьніцай Маар’яй Ківі і яшчэ дзьвюма дзяўчынкамі — Пірэт Ярвіс і Катрын Сіскай стварылі гурт Vanilla Ninja. Першы дыск Vanilla Ninja быў выдадзены ў 2003 годзе. Гурт быў удзельнікам «Еўравізіі-2005», ён карыстаўся вялікай папулярнасьцю ўва Еўропе (асабліва ў Эстоніі, Нямеччыне, Швайцарыі).
Пасьля канфлікту з чарговым прадусарам Дэвідам Брэндасам, Лена разам зь іншымі ўдзельніцамі пачала сама складаць лірыку і музыку для сваіх песьняў. У дадзены момант гурт Vanilla Ninja складаецца зь Лены Куурмаа, Пірэт Ярвіс і Катрын Сіскі. Лена зьяўляецца вядучай сьпявачкай, піша песні. Яна грае на гітары і скрыпцы.
У кастрычніку 2007 году Лена зьнялася ў эстонскім фільме «Kuhu põgenevad hinged» («Куды бягуць душы») пра жыцьцё падлеткаў. Таксама яна зьяўляецца акторкай эстонскага сэрыялу «Kodu keset Linna».
Лена валодае эстонскай, нямецкай і англійскай мовамі. Апроч удзелу ў Vanilla Ninja Лена пяе сола, а таксама выступае зь іншымі гуртамі ды артыстамі.
На Eesti laul 2010 году Лена ўдзельнічала зь песьняй «Rapunzel». У фінале конкурсу яна заняла другое месца.
Дыскаграфія
У 2009 г. быў выдадзены сынгл «Musta Pori Näkku». У 2010 г. Лена са сваім аднайменным гуртом запісала эстонскамоўны альбом Lenna, што адразу заняў першае месца ў музычных чартах Эстоніі.
Цікавосткі
- Лена мае лабрадора па мянушцы Ninja
- Ейны дэвіз: «Тыя, хто ведаюць, чаго хочуць — выйграюць». Яна мае татуіроўку з такім тэкстам на назе.