'''Лінейны крэйсер''' — [[класіфікацыя караблёў|клас]] артылерыйскіх караблёў, якія маюць узбраенне, блізкае да [[лінкорлінкар]]аў, але валодаюць большай хуткасцю ходу пры лягчэйшым браніраванні. З'явіліся напачатку XX стагоддзя як развіццё [[Браняносны крэйсер|браняносных крэйсераў]]. Яны павінны былі складаць авангард галоўных сіл флоту, а ў баі мець ролю яго хуткаходнага крыла. Вынікі марскіх бітваў [[Першая сусветная вайна|Першай сусветнай вайны]], а таксама [[Вашынгтонскае марское пагадненне 1922 года]] перапынілі эвалюцыю лінейных крэйсераў. У далейшым прагрэс у вобласці сілавых установак прывёў да зліцця лінейных крэйсераў і лінкараў у адзіны клас хуткаходных лінейных караблёў.{{sfn-1|Балакин, Дашьян|2006|с=8}} Тым не менш, шэраг караблёў, пабудаваных у 1930—1940-х гадах, нярэдка называецца ў ваенна-марской літаратуры лінейнымі крэйсерамі ў сілу іх прамежкавага становішча паміж «сапраўднымі» лінкарамі і [[Цяжкі крэйсер|цяжкімі крэйсерамі]]. Апошні класічны лінейны крэйсер [[SMS Goeben (1911)|«Явуз»]] быў спісаны ў [[1954]] годзе.{{sfn|Балакин, Дашьян|2006|с=180}}