У жніўні 1368 вялікі князь маскоўскі [[Дзмітрый ДанскойДанскі|Дзмітрый]] не прызнаў пераход вялікакняскай улады да [[Міхаіл Аляксандравіч Цвярскі|Міхаіла Аляксандравіча]] (брата жонкі Альгерда [[Ульяна|Ульяны]]), прыхільніка ўмацавання дзяржаўнай самастойнасці Цвяры і збліжэння з ВКЛ і падтрымаў выступленне супраць яго Міхаіла Васільевіча, прымусіўшы Міхаіла Аляксандравіча ўцячы у Літву. Увосень 1368 войска ВКЛ на чале з Альгердам пры падтрымцы [[Смаленскае княства|Смаленска]] разбіла маскоўскія войскі ў [[Тросненская бітва, 1368|Тросненскай бітве]] [[1368]] і падступіла да Масквы, але аблога была беспаспяховай. У выніку першага паходу Альгерда («первой Литовщины» маскоўскіх летапісаў) улада Міхаіла Аляксандравіча над Вялікім княствам Цвярскім была адноўленая. Іншым поспехам ВКЛ было вяртанне Ржэвы, стратэгічнай крэпасці на Волзе, якая незадоўга да гэтага была захоплена Масквой. Падзеі гэтага паходу ў легендарнай форме перадае [[Хроніка Быхаўца]].
