Мітынг-рэквіем «Дзяды» 30 кастрычніка 1988 года: Розніца паміж версіямі

Арганізацыю мітынгу-рэквіему ў 1988 годзе ўзяло на сябе Таварыства маладых літаратараў пры [[Саюз пісьменнікаў Беларусі|Саюзе пісьменнікаў Беларусі]] [[Тутэйшыя, суполка|«Тутэйшыя»]] на чале з [[Алесь Бяляцкі|Алесем Бяляцкім]]. 14-17 кастрычніка 1988 года Алесь Бяляцкі і [[Анатоль Сыс]] звярнуліся ў выканаўчыя камітэты раённых Саветаў народных дэпутатаў і ў Мінскі гарадскі выканаўчы камітэт, каб атрымаць дазвол на правядзенне шэсця і гістарычна-літаратурнага беларускага свята-мітынгу «Дзяды», на якім меліся ўшанаваюць памяць продкаў.

 

 

24-25 кастрычніка ўладамі былі дадзены адмовы ў правядзенні мітынгу (афіцыйнае рашэнне Мінгарвыканкама надрукаваў «Вячэрні Мінск»). Арганізатары мітынгу былі выкліканы 26 кастрычніка ў пракуратуру Мінска, дзе іх афіцыйна папярэдзілі аб магчымым парушэнні заканадаўства. Ініцыятары мітынгу тым часам наладзілі інфармаванне пра будучую акцыю, выкарыстоўваючы ў т.л. распаўсюджванне ўлётак (28 кастрычніка за такое распаўсюджванне быў затрыманы [[Алесь Пушкін]]).